MusiCares’ Person of the Year-ah Mariah Carey pualin hun an hmang

Grammy sem nan zan hnih a la awm tihah MusiCares’ Person of the Year chawimawina hun an buatsaih thin a, kumin he chawimawina dawngtu Mariah Carey puala hun an hmannaah Jennifer Hudson, Kesha leh John Legend te pawhin hun an hmang.
Billboard Hot 100 (US singles) chart-a No.1 kai thei hla 19 nei tawh, rimawi khawvela kum 40 chhunga kum 10 bi tina chart No.1 kai thei hla la nei vek Mariah Carey hi rimawi khawvelah a huhang a nêp thei lo. An rama January ni 30 zan, keini tana 31 tuk khan Los Angeles-ah MusiCares’ Person of the Year a nihna chawimawina hun an hmang ta a ni.
Khawvela pop vocalist ropui berte zinga mi a ni a, a hla han sak ve paw zaithiam dang te tan chosual palh hlauhawm tak a ni ngei ang. Mahse, Carey puala hun an hmannaah hian Jennifer Hudson chuan ‘Vision of Love’ leh ‘Make It Happen’ te a rawn thlawh a, Carey hla hit duhtawka han au pui ve thei tur zaithiam tlemte zinga mi a ni tih a lantir e.
Kesha pawhin ‘Obsessed’ version dang deuhin a perform a, Adam Lambert pawhin “Can’t Let Go” a perform a, Teddy Swims pawhin Carey-i’n mi hla a cover tlemte zinga mi “Without You” a perform bawk. Charlie Puth ‘I Still Believe,’ John Legend “Hero,’ leh FLO ‘Dreamlover’ pawh chhuanawm tak vek an ni.
Mariah Carey’s MusiCares setlist:
Medley featuring “I Don’t Want to Cry,” “My All,” “Vision of Love” and “Make It Happen” (Jennifer Hudson)
“Hermit” and “Love Is a Scam” (Foo Fighters and Taylor Momsen)
“I Still Believe” (Charlie Puth)
“Obsessed” (Kesha)
“Hero” (John Legend)
“It’s Like That” (Laufey)
“Can’t Let Go” (Adam Lambert)
“Honey” (Maggie Rogers)
“I Know What You Want” (Busta Rhymes, Chante Moore, Spliff Star)
“Always Be My Baby” (Billy Porter)
“Dreamlover” (FLO)
“Without You” (Teddy Swims)
“All I Want For Christmas Is You” (Jon Batiste and ensemble)