MVA ten Seat-sharing tifel thawkhat

Opposition Maha Vikas Aghadi (MVA) te chuan 48 Lok Sabha seat insem dan turah sawihona an nei fel tawh tiin Shiv Sena (Uddhav Balasaheb Thackeray) spokesperson Sanjay Raut chuan a sawi a. MVA partners-ah engmah harsatna a awm lo tiin a sawi a, Prakash Ambedkar’s Vanchit Bahujan Aghadi te chan Jalna Sabha seat ah Manoj Jarange-Patil candidate tir tura ngenna MVA chuan a dawng lo a ti bawk.
Raut chuan Maharashtra a seat 48 awmah VBA te chuan Lok Sabha seat 27 an ngiat tia sawi pawh a hnawl bawk.
Raut chuan MVA party te chuan meeting an neihnaah seat-sharing chauh an sawi a, mimal candidate tur an sawiho lo a ti bawk a. MVA party top leaders- Uddhav Thackeray, Sharad Pawar leh Maharashtra Congress chief Nana Patole te chuan candidate tur leh an constituency tur te chu an la puang chiang ang tiin a sawi bawk.
“Seat-sharing chauh sawiho a ni a, khawi seat nge tu party in nge chuh dawn tih te a ni. MVA in blue-print a siam tawh a, chutah chuan Shiv Sena (UBT), Congress, Sharad Pawar kaihhruai NCP, Peasant and Workers Party (PWP) leh Left parties ten an siam a ni. Ambedkar’s VNA chu MVA a pawimawhna thuk tak nei an ni a. Mahse, VBA atagin a bika rawtna kan dawng lo” tiin Sena (UBT) leader chuan a sawi.
Raut chuan MVA chhunga party awm ten mimal duhsak bik dintir tur an nei a nih chuan chu chu anmahni thutlukna siam tur tiin a sawi bawk.
Ambedkar chuan MVA seat-sharing meeting Hotel Trident a neihah hian a tel ve lo va, mahse, a aiawh tir thungin a demand zingah OBC candidate 15 tal dintir tih te leh religious minority candidate pathum siam tih te bakah Jalna atanga Jarange-Patil dintir tihte a tel a ni.
Raut chuan VBA te demand siam chuan MVA chhungah Lok Sabha inthlan dawn ruaiah engmah harsatna a siam dawn lo a ti a. “Inmillohna kan nei lo. An leader Ambedkar an aiawh seat-sharing inbiakna neihah a tir a ni. VBA te hian seat 27 a chuh an tum bur tihlam a ni lo. Seat tam thei ang ber chan an duh mai a nia. Party tinte Sena a ni emaw Congress a ni emaw seat tam thei ang ber chan an duh theuh a lawm. Lok Sabha seat 48 chuh tura kan inpuahchah avangin coalition angin kan duh zah zahah chakna kan chang ang tihna a ni kher lo” tiin a sawi bawk.
Maharashtra ah MP pakhatmah nei lo mahse Ambedkar chuan MVA- Shiv Sena phel leh NCP party chhung buai bawk te chuan VBA te Dalit-minority base chak tak tel lo chuan eng ruai an ang thei dawn lovah ngaiin hei avng hian Opposition coaltion ah VBA te chu dominant player nih a phut a ni.
Raut chuan Ambedkar a VBA te chuan India ram, a bik takin maharashtra a ‘dictatorship’ thleng mek chu duh lovin chet an la zawk tiin a sawi a.
“Maharashtra a mitin ten Prakash Ambedkar thlirdan leh thil hmuh dan an hre vek a, a pu Dr. Babasaheb Ambedkar a Constitution ziah tichhe mek tute chu a do a ni. MVA ang pawhin heng forces te hi kan do nasat a ngai a, chuvangin inthlanah tanrual kan ti a ni” tiin Raut chuan a sawi bawk.