MWA in Mizoram team an hmuak

Khelo India Tribal Games, 2026 Chhattisgarh a, Wrestling a medal late chu Mizoram Wrestling Association (MWA) te April ni 4, Inrinni khan Lengpui Airport ah an lo hmuak.
Chhatishgarh a neih zawh tak 1st Khello Tribal Games 2026-ah Mizoram in Wrestling atangin Mizoram in medal pathum a la. Mizoram tana hian Elizabet Rohlupuii chuan Silver a la.
Mizo wrestler zinga chetha ber, 68 Kg huanga khel Elizabeth Rohlupuii hi final-a a khingpui Prisita Ped, Karnataka lakah a vanduai a, Gold Medal a hlawhchhuak zo lo. Gold Medal la zo ta lo mah se Eli-i hi Mizo wrestler zinga final khel awmchhun a ni thung.
Silver Medal latu Elizabeth Rohlupuii hi Mem@riat khua niin Bawngkawn West-ah an cheng mek a. Mizo zingah wrestling a hnuhma nei tha ber zinga mi a ni. Mizo Inchai-ah Nu laihawl champion lai a ni a. SAI Hostel, Mission Vengthlangah a awm thin a. India rama wrestling zirna tha National Centre of Excelency (NEoC), Lucknow-ah kum hnih chuang zet a lo zir tawh bawk. Inter SAI ah kum 2014 khan Bronze Medal a la a, School Games 2019-ah Bronze, Khello Youth Games 2020 ah Silver, North East Games 2024-a Gold Medal a lak bakah Khello Tribal Games 2026 ah Silver Medal ala leh ta bawk.
Tarlan tawh angin Chhatishgarh a neih 1st Khello Tribal Games-ah hian Wrestler pali an kal a. Lalvenhimi, Bethlehem leh Lalhmangaihsangi, Dilkhan ten Bronze medal la bawkin Medal pathum an hlawhchhuak.
Mizoram Wrestling Association (MWA) chuan Wrestling a Mizoram hlawhtlinna a chhuang a. Vawiin khan Lengpuiah an lo hmuak a, Medal late hnenah lawmpuina sumfai an pe bawk. Mizoram team member leh Official te pawh lawmthu sawina an pe tel bawk a ni.
MWA in Wrestling a Mizoram team te an lo hmuah bakah hian Silver medal latu Elizabeth Rohlupuii chu Br. YMA – Bawngkawn West ten an lo hmuak a, lawmpuina thil pek an hlan nghal bawk.