Myanmar atanga lut Rs. vbc 88 man meth man
Manipur leh Assam-a Narcotics Control Bureau (NCB)-in hmun hniha beihpui an thlaknaah methamphetamine kg 109 chuang, Rs. vaibelchhe 88 man an man tih Pathianni khan thuneituten an sawi a. Mihring pali, drugs cartel pakhata tel vek an man bawk.
Ruihhlo mante hi Manipur-a ramri khua, Moreh kaltlanga India-a lut niin Karimganj, Assam panpui tum a ni.
Sorkar thuchhuah chuan NCB Imphal Zone thuneituten Ningani khan Lilong bulah truck pakhat nangchingin methamphetamine kg 102.39 chu a toobox-ah hmuh a ni a. Mi pahnih man nghalin an thil phurh lo dawngsawngtu tura an tih pakhat an man belh zui.
“Beihpui thlakna dangah hemi ni vek hian NCB Guwahati Zone officer-ten Assam-Mizoram inrina, Silchar bulah SUV nangchingin a methamphetamine phurh, a ke thlakna tura an pai chhunga an thuhruk, kg 7.48 an man leh bawk a, lirthei khalhtu an man tel,” an ti.
NCB hotu sangte chuan NCB hi an chief, Anurag Garg-a hovin tun hnaia Myanmar atanga Imphal-a ruihhlo lut nasa lutuk chungchangah hian an thukhawm dawn tih a sawi.
“Chief hi tun karah Manipur-ah a lo kal ang a, Myanmar nena inrina him lo tak kaltlanga India-a ruihhlo lut tam lutuk hi a dan dan tur an sawi dawn a ni,” tiin NCB officer pakhatin a sawi.
Hetih lai hian Union Home Minister Amit Shah chuan X-ah ruihhlo thahnem tak man a ni chu lawmawm a tih thu a tar lang.
Myanmar atanga lut Rs. vbc 88 man meth man
Get real time updates directly on you device, subscribe now.