Myanmar nen inri state dang ho thawhpui tum

India sawrkarin ramri hung a tum chungchangah a nghawng tur hmarchhak state dang, Myanmar nena inri ho chu a tul anga thawhpuiah NGO Coordination Committee chuan sawm a tum.
NGO panga telna Coordination Committee hi Thawhlehni zana thukhawm thuchhuak chuan, Myanmar ram chhungah Zofa unau thahnem tak an chen avangin India sawrkarin India leh Myanmar inrina pin a tum leh ramri hnaiha chengte inkalpawh theihna ‘Free Movement Regime (FMR)’ thiah a tum chu kan inauna leh inpumkhatna tichhe thei a ni a, tha a ti lo tih a sawi.
FMR chu dan hnuaia siam a nih angin, tun ami ang hian kalpui zel nise, ramri hung hian ramria chengte tan nasa taka harsatna a siam dawn avang leh Mizo hnam inpumkhatna khawih chhe thei a nih avangin, hemi kawnga hmalakna hi tihtawp a nih theihnan hma lak nise an ti a. Union Home ministry-ah NGOCC hmingin memorandum thehluh a, Mizoram sawrkarah pawh lehkha thehluh nise an ti.
Hei bakah hian rami hungin a nghawng tur state dangte pawh a tul anga thawhpuia sawm nise an ti bawk.