Lung natna neite tan a thlawna inentirna

Health & Family Welfare department leh Sri Ramachandra Medical Centre, Chennai \ang dunin February ni 9 leh ni 10-ah hian State Referral Hospital/Zoram Medical College, Falkawnah lung natna neite tan Free Cardiac Camp an buatsaih dawn.
Health department a\anga thu dawn danin, he camp-a lung zai ngai hmuhchhuah mi 50-te senso chu Sri Ramachandra Institute of Higher Education & Research, Chennai, Sastra University leh Sri Shankara Heart Foundation, Chennai te’n an tum dawn a, damdawi in senso, thlenna leh Chennai a\anga haw lehna (return ticket) hi sponsor-tute’n an tumsak dawn a, kallam senso erawh mahni intum tur a ni thung ang. Damlo bakah anmahni hruaitu (attendant) pakhat thlenna leh haw na tum sak an ni bawk ang.
Free Cardiac Camp hi mipui nawlpui tan ni lovin doctor-te’n lung zai ngai nia an hmuhchhuahte leh enkawlna mamawhte tan bika duan a ni. Registration hi inentir ni zing dar 9 a\anga dar 11 chhungin OPD, State Referral Hospital/Zoram Medical College-ah tih tur a ni a; inentirna lehkha hlui ken tel tur a ni ang.