Myanmar president atan sipai hotu Min Aung Hlaing-a nominate

Myanmar-a sipai hotu, Min Aung Hlaing chu Thawhtannia parliament inkhawm kohvah president atan nominate a ni a, hei hi eptu party lian ber berte tun hnaia an inthlana chuh thei lova an tih hnuah a ni.
Min Aung Hlaing-a hi parliament-ah hian president atana chuhtu dang an awm loh avangin thlan a ni ngei tura ngaih niin a lamtang pahnihin an nominate a ni.
Kum nga kalta khan sipaiten sorkar an paih thlak hnuah a kaihruai zui a, khawthlang ram tam takin an hrek tawh a ni.
Sipaiten thuneihna an chan hnuah tual chhung indona chhuakin mi sang tam tak an thi tawh a, mi maktaduai tam takin an chenna chhuahsanin an tlanchhia a. Ram chhung hmun tam tak chu ralthuam keng sipai eptu pawlin an thunun mek.
December leh January inkara inthlanpui neih kha sipai sorkar hian remna kawng zawhna a nih thu a sawi a; mahse, inthlan hi mi tam takin lemchan angah an ngai a, political party tam tak an chuh ve phalsak an ni lo va, tual chhung indona avang hian ram chhung hmun tam takah inthlan a ni lo bawk.
Sorkar erawh chuan hetiang sawina hi hnawlin vote thlak chu zalen leh dik taka kalpui a nih thu a sawi.
Myanmar parliament thara member 90% vel chu Min Aung Hlaing-a laka rinawmte leh sipaia officer an ni hlawm.