MZU-ah Census Data Workstation hawng

Mizoram University Department of Geography and Resource Management bultumin MZU campus Census Data Workstation chu Zirtawpni khan Directorate of Census Operations director Vinay Kumar, IAS chuan a hawng.
Hawnna inkhawm hi MZU acting vice chancellor Prof. Laltluangliana Khiangte, finance officer Prof Vanlalchhawna leh Prof. Benjamin Saitluanga te pawhin an telpui a. Census Operations director chuan research leh census data pawimawh zia sawiin, Mizoramin census research leh data collection lamah hmasawnna tam tak a nei chu chhuanawm a tih thu a sawi. MZU leh Department of Geography in an thawhpuinaah lawmthu a sawi bawk.
Acting VC pawhin research beih zelna turah pawimawh leh tangkai tak a nih avangin workstation din theihnana tha leh zung thawh zawng zawng, Mizoram University staff leh office chungah lawmthu a sawi a ni.