MZU-ah Suicide Prevention Day

Khawvel puma mahni intihhlumna thleng thin dona ni, World Suicide Prevention Day chu Mizoram University-ah pawh Department of Psychology leh MZU Councelling Cell tangdun chuan Thawhlehni khan an hmang a. Mahni intih hlum tumte tanpui dan leh a ven dan zir ho a ni.
Bharatiya Counselling Psychology Association president Dr Ashutosh Srivastava chu thu sawi tura sawm a ni a. Department of Psychology head, MZU Councelling Cell convener Prof. Zoengpari chuan programme hi hawngin, MZU acting vice chancellor Prof. Pravakar Rath leh MZU School of Social Science atangin Prof. Lalneihzovi ten an telpui bawk.
Hun hmasaah Dr Ashutosh Srivastava hian zirlai leh zirtirtute hnenah “Awareness on Suicide and Prevention” tih thupui hmangin a sawi a. Chawhnu hunah Department of Clincal Psychology atangin Dr Laxmi Narayan Rathore chuan Councelling Cell, departmental coordinators, zirlaite, Phd tilai leh hostel prefect-te kawmin, rilru hriselna leh chona hrang hrang hmachhawn dan a zirpui.