MZU Psycho’ department jubilee

Mizoram University Psychology department chuan Thawhlehni khan university campus-ah an kum 40 tlin, Ruby Jubilee an lawm a. MZU chief rector, larsap Dr Hari Babu Kambhampati leh MZU vice chancellor Prof Dibakar Chandra Deka ten an hmanpui.
Tunlai khawvel hmasawn zelah mipui rilru sukthlek dan a hrisel zawnga kaihhruai kawngah leh rilru lama harsatna neite enkawl kawngah psychology pawimawh zia kan hre chho mek tih larsap hian a sawi a. Taksa hriselna a pawimawh tluk chiahin rilru lama hrisel a pawimawh tih a sawi.
MZU Psychology department-in clinical psychology zirtir phalna thuneitu sang hnen atanga an hmu chu a lawmpui tih sawiin, clinical psychology zirtirna kalpui a nih hnu hian Psychology department chuan khawtlang nun leh inkaihruaina kawngah chak zawkin tha a thawh theih a beisei thu a sawi bawk.
MZU VC pawhin science leh technology lama hmasawnna ringawt chu mihring tana thil tha a ni bik loa, hmasawnna ringawt nei ila rilru hrisel lo leh mihring mihrinna kan hloh si chuan kan tana thil tha a ni thei lo, tiin, kan nun dan tur leh rilru a hriselna kawng min kawhhmuh thin turin mihring nihphung leh rilru zirna lam, psychology zirna in hma a sawn zel a ngai tih a sawi.