MZU VC-in college tlawh

MZU VC-in college tlawh
Mizoram University vice chancellor Prof. Dibakar Chandra Deka chuan Ningani khan Govt Saitual College a tlawh a, principal Lalzarmawia leh thawktuten lo dawngsawngin an inkawm.
MZU vice chancellor chuan Govt. Saitual College chu Aizawl khawpui pawn college-a a tlawh hmasak ber a ni tih sawiin, college dinhmun leh an hmunhma hriat a, zirtirtu leh zirlaite hmaichhana titipui a duh vang a ni tih a sawi a ni.
New Education Policy (NEP) kalpui atangin kum 2025 chu kum 3 an zirna leh graduate hun tur a ni tawh dawn a, NEP-in a duan anga kum 4 zir thei turin college-in ruahmannna a nei em tih Prof. Dibakar Chandra Deka hian a zawt a. NEP-in a ruahman anga kum 4 chhung zir tur kalpui a nih theih chuan zirlaiin kum 1 chauh university a kal a ngai tawh dawn a, chu chu thingtlang leh chhungkaw harsa zawk atanga zirlaite tan malsawmna thlentu a ni thei dawn tih a sawi a ni.
Govt Saitual College chu Arts college chauh ni lo, science stream hawn theih dan kawng an ngaihtuah ngai em, tia zawtin, theihtawp chhuaha hma la turin a chah.
MZU vice chancellor hian Govt. Khawzawl College leh Govt. Champhai College a tlawh leh dawn a ni.