Kum upat lamah hliamin a tihbuai nasat Rafael Nadal chuan Laver Cup hmachhawn a tum lova, a inhnukdawk.
Mipa zingah Grand Slam-a champion tam ber dawttu Nadal hian Olympic a hmachhawn a, mimal inelnaah beisei a phak lo. Nadal hian Gold Medal la zui ta Novak Djokovic a paltlang zo lo. Nadal hian Carlos Alcaraz a tanpui a, doubles lamah inlan zui leh mah se beisei angin an thleng sang thei chuang lo thung. Olympic hnu lamah Spaniar hian inkhel a hmachhawn zui lova, Laver Cup hmachhawn tum mah se mipa intihsiakna lamah hian a inlan thei dawn lo. Nadal chuan mi dang tan hmun kian tura a inhnuhdawh thu a sawi.
Laver Cup hi Tennis hmanga mipa team inelna a ni a, team hnihte hi Team World leh Team Europe te an ni. Laver Cup 2024 hi September ni 20 atanga ni 22 chhungin Germani khawpui, Berlin ah khelh a ni ang. He inelnaah hian khawvel huapa player lar ber berte an inlan ang.
Nadal a inhnukdawk
Get real time updates directly on you device, subscribe now.
Prev Post