Nagaland-ah dhania kung sang ber

Yilobemo Erui chu Wokha, Nagaland-a cheng a ni a, an chuktuah huanah coriander (dhania) a ching a, a thang tha hle mai a, Guinness World Records-in khawvela coriander kung sang berah a puang.
Erui-a dhania kung hi Wokha-a Entrepreneurship Task Force ten Guinness World Records-ah an thawn sak a, a tul ang ang hma lak sakin, August ni 13, 2024 khan Guinness World Records atangin record an siam tih nemnghehna thu email an dawng ta a ni.
He record thar hi Guinness World Records pawhin an official website-ah an tarchhuak tawh a, “Coriander sang ber 2.77 m (9 ft 1.06 in), record siamtu chu Yilobemo Erui (India), Wokha, Nagaland, India niin, April ni 25, 2024 a teh a ni,” tiin an tarlang.