Naktukah Verstappen-a’n record khum tur a nei

World championship title a humhim fel tawh hnua la chak chho tluang zet Max Ver-stappen chu Pathianni Sao Paulo Grand Prix-ah hian tun season atana hmachhawp pakhat hlenchhuah turin a hmuak leh a, Sao Paulo tlankawng Interlagos-ah hian a chak leh chuan kum 71 chhung zet ding tawh F1 season khat chhunga chakna per-centage sangber record a khum thei dawn.
He record kawl mektu chu Alberto Ascari niin, kum 1952 khan round riat tlanah vawiruk chakin, 75 per cent chak chungin record a siam a, Dutch driver hmaa mihuai kal tawhte zawng zawngin he record un zet tawh hi an khum zawh loh laiin Red Bull Racing For-mula 1 World Cham-pionship driver Ver-stappen hian record thar siam theihna hun rem-chang a nei mek.
Season kal lai race vawi 19 a tlan tawha tum 16 chak tling tawh Max Verstappen-a chak per cent hi tun dinhmunah 84.24 ni mekin, intlansiak vawithum la awm – Brazil, Las Vegas leh Abu Dhabi-ah hian a khawiberah emaw a chak leh chuan Ascari record kum 71 ding tawh hi a khum thei dawn a ni.
Verstappen hi tum 17 a chak tling a nih chuan kumina race 22 awm tur atanga a chak per cent chu 77.27 a ni dawn a, vawikhat chak leh zeuh hi Ascari record hma-khalhna’n a tawk a, race hmabak pathum a chak vek phei chuan a chak percentage chu 86.36 tehreng a ni hlen dawn a, kum 71 aia rei a din zui ngei a rinawm!
F1 legend Michael Schumacher kha 2004 season-ah race 18 atangin tum 13 a chak a, Alberto Ascari record pha loin 72.22 per cent-ah a tawp.
Kum 2013-a race vawi 19-a vawi 13 bawk chak tling Sebas-tian Vettel (68.42 per cent) pawhin record a khum zo lo a; kum 2020-a intlansiak vawi 17-a tum 11 chak Lewis Hamilton-a percentage pawh 64.71 chauh a ni.
Karliamta Mexican Grand Prix result kha kan tarlan tak loh avang-in a hnuaiah hian update thar kan han dah e.

Mexican Grand Prix result

Pos. Driver Ram Team Time

1 Max Verstappen NED Oracle Red Bull Racing 71 Laps
2 Lewis Hamilton GBR Mercedes AMG Petronas F1 Team + 13.875s
3 Charles Leclerc MON Scuderia Ferrari + 23.124s
4 Carlos Sainz ESP Scuderia Ferrari + 27.154s
5 Lando Norris GBR McLaren F1 Team + 33.266s
6 George Russell GBR Mercedes AMG Petronas F1 Team + 41.020s
7 Daniel Ricciardo AUS Scuderia AlphaTauri + 41.570s
8 Oscar Piastri AUS McLaren F1 Team + 43.104s
9 Alex Albon THA Williams Racing + 48.573s
10 Esteban Ocon FRA BWT Alpine F1 Team + 62.879s
11 Pierre Gasly FRA BWT Alpine F1 Team + 66.208s
13 Yuki Tsunoda JPN Scuderia AlphaTauri + 78.982s
14 Nico Hulkenberg GER MoneyGram Haas F1 Team + 80.309s
14 Valtteri Bottas FIN Alfa Romeo F1 Team Stake + 80.597s
15 Zhou Guanyu CHN Alfa Romeo F1 Team Stake + 81.676s
16 Logan Sargeant USA Williams Racing + 1 lap
17 Lance Stroll CAN Aston Martin Aramco Cognizant F1 Team + 5 Laps
Fernando Alonso ESP Aston Martin Aramco Cognizant F1 Team DNF
Kevin Magnussen DEN MoneyGram Haas F1 Team DNF
Sergio Perez MEX Oracle Red Bull Racing DNF
Fastest lap:
Driver Team Fastest Lap Race Time
Lewis Hamilton Mercedes 1:21.334 +13.875

Driver standing

Pos. Driver Ram Team Chak zat Pts.

1 Max Verstappen NED Oracle Red Bull Racing 16 491
2 Sergio Perez MEX Oracle Red Bull Racing 2 240
3 Lewis Hamilton GBR Mercedes AMG Petronas F1 Team 0 220
4 Fernando Alonso ESP Aston Martin Aramco Cognizant F1Team 0 183
5 Carlos Sainz ESP Scuderia Ferrari 1 183
6 Lando Norris GBR McLaren F1 Team 0 169
7 Charles Leclerc MON Scuderia Ferrari 0 166
8 George Russell GBR Mercedes AMG Petronas F1 Team 0 151
9 Oscar Piastri AUS McLaren F1 Team 0 87
10 Pierre Gasly FRA BWT Alpine F1 Team 0 56
11 Lance Stroll CAN Aston Martin Aramco Cognizant F1 Team 0 53
12 Esteban Ocon FRA BWT Alpine F1 Team 0 45
13 Alex Albon THA Williams Racing 0 27
14 Valtteri Bottas FIN Alfa Romeo F1 Team Stake 0 10
15 Nico Hulkenberg GER MoneyGram Haas F1 Team 0 9
16 Yuki Tsunoda JPN Scuderia AlphaTauri 0 8
17 Zhou Guanyu CHN Alfa Romeo F1 Team Stake 0 6
18 Daniel Ricciardo AUS Scuderia AlphaTauri 0 6
19 Kevin Magnussen DEN MoneyGram Haas F1 Team 0 3
20 Liam Lawson NZL Scuderia AlphaTauri 0 2
21 Logan Sargeant USA Williams Racing 0 1
22 Nyck de Vries NED Scuderia AlphaTauri 0 0

Constructor Standing

Pos. Team Chak zat Points

1 Oracle Red Bull Racing 18 731
2 Mercedes AMG Petronas F1 Team 0 371
3 Scuderia Ferrari 1 349
4 McLaren F1 Team 0 256
5 Aston Martin Aramco Cognizant Formula One Team 0 236
6 BWT Alpine F1 Team 0 101
7 Williams Racing 0 28
8 Scuderia AlphaTauri 0 16
9 Alfa Romeo F1 Team Stake 0 16
10 MoneyGram Haas F1 Team 0 12