National player ben vangin Bangladesh cricket coach an ban!

Nikum January thlaa kum hnih daih contract an ziahpui Chandika Hathurusinghe chu Bangladesh men’s cricket team head coach a nihna atangin Bangladesh Cricket Board (BCB) chuan a ban a, hei hi an inremna bawhchhiat vang leh nungchang mawi loh vang a nih thu an tarlang.
Tualchhung media-te chuan Sri Lankan ban a nih chhan hi national player pakhat a ben vang niin an sawi.
Kum 2014 atanga 2017 chhung khan Hathurusighe hi BCB-in an lo ruai tawh a, nikumah a tumhnihna atan an senglut leh a, hei erawh contract hman zawh hmain an inban zui ta a ni.
Nikum World Cup-ah khan Bangladesh hi pariatna niin, kumin T20 World Cup-ah an chechhe zui leh a; thla hmasa Test series-ah 2-0-in Pakistan hneh mah se player laka buaina a neih zui tak avangin an petchhuak ta a ni.
Bangladesh hian West Indies international hlui leh an coach hlui ni bawk, Ireland, Afghanistan leh Zimbabwe pawh lo enkawl tawh Phil Simmons kha interim coach atan 2025 Champions Trophy thleng an ruai dawn tih an puang.