National Technology Day hmang
Mizoram sawrkar Directorate of Science & Technology bultumin Zirtawpni khan Aizawlah National Technology Day pualin hun hman a ni.
1998 May 11 khan Rajasthan-a hmun pakhat Pokhran-ah hlawhtling takin India-in nuclear test a nei a, khawvela nuclear tha chakna hmang thiam leh ralthuam nei ram tlemte zingah a tel ta a ni. He ni hriatrengna atan hian kumtin National Technology Day atan May 11 hi hman zui a ni a. Kuminah Pathiannia a tlak avangin a hun sawn hma a ni
Scientific officer Dr Aldrin Malsawmtluanga’n Mizoram-in science & technology hman tangkaina hrang hranga hma a sawn dan a sawi a. Tunhnaia Indian Space Research Organisation (ISRO) Bangalore-a North East Students Programme for Awareness, Reach and Knowledge on Space (NE SPARKS) programme-a tel CLS Academy Aizawla zirlaiten an kalna chanchin an sawi bawk. Mizoram Science Centre assistant curator Lalrinnungi’n ‘The amazing world of cold’ tih thupuia hmangin a entir a, zirlai kalte chu Innovation Facility Centre-a khawl hrang hrang hrialhfiah an ni.
Department-a thawktute bakah CLS Academy leh Holy Mission School atangin zirtirtu leh zirlai an tel a ni.
National Technology Day hmang
Get real time updates directly on you device, subscribe now.
Prev Post