Naupang pawngsual vangin Bangladesh buainaah mi pathum thi

ang pawngsual nia sawi a awm avangin Bangladesh chhimchhak tlang rama tribal leh Bengali te inkarah Pathianni khan buaina a chhuak a, mi pathum vel thi awmin tam takin hliam an tuar bawk a. Venhimna khauh taka kalpui zui a ni.
Police chuan mipa pathum an thih thu an sawi a, tute nge an nih erawh an sawi lo va. Mi chengte chuan lehlam lehlam hi tawngkam na tak taka an intawng hnuah tharum thawhna a thleng zui a, Dhaka atanga hmarchhak lam km 270 vela hla, Khagrachhari hill district-a chenna in leh sumdawnna hmun tam tak hal a ni tih an sawi.
Buaina hi Thawhlehnia India leh Myanmar ramte nena an inrina, Chittagong Hill Tracts-a tlangram district pathum zinga mi Khagrachhari district-a hmeichhe naupang pawl riat zirlai pawngsual rawn nia sawi awm atanga intan a ni a. Home ministry chuan sipai 13 leh police pathumin buaina chhuakah hian hliam an tuar tel tih a sawi.
Tharum thawhna hi Khagrachhari district khawpui, ram leilung fa, a tam ber Chakma leh Marma hnam chenna atanga chhuak niin Inrinni khan kawngpui dangin lirthei ke, thing leh leirawhchan an hal a. Thuneituten vei velna a tihbuai avangin an hnawt darh.
Thi pathumte hi Khagrachhari chhim lam km 36 leka hla, Guimara-a mite vek nia hriat a ni a. He hmunah hian sipai leh paramilitary Border Guard Bangladesh (BGB) leh police patrol mah se district khawpui atangin buaina hi a kang kai a ni.
Hmeichhe naupang pawngsual nia sawi hi a tuition la haw khawih nia sawi a ni a, zan reiah a nu leh pa leh an thenawm khawvengten an zawn hnuah hmun kilkhawr takah nikhawhrelovin an hmu nia sawi a ni.
Tual chhung damdawi inah dah a ni a, a hnuah police chuan sipai puihna nen Bengali rawlthar man a zui a. Ani hi pawngsualtu zinga mi pakhat nia hriat a ni a, court-in ni ruk chhung police kuta awm a phalsak angin thu zawh fiah mek a ni.
District thuneitute chuan Inrinni khan Criminal Procedure Code (CrPC) Section 144 puangin Khagrachhari district khawpui leh a chhehvel khuaah punkhawm leh veivah khapna a tichhuak.