Naupang piancham lawmnaa inpawng kahnaa pali thi

California-a naupang piancham lawmnaa inpawng kahna thlengah mi pali vel an thi.
Inrinni zana state hmar lama Stockton khawpui thingpui dawra inkahna thlengah hian mi 10 dangin hliam an tuar bawk.
Police chuan thite hi puitling leh naupang an ni hlawm tih an sawi a. Hliam tuarte dinhmun tak erawh hriat a la ni lo.
A kaptu nia rin hi a la tlanchhe mek a, police chuan tum sa renga chea mi kap a nih a rinawm hle niin an sawi.
San Joaquin County Sheriff’s Office chuan tlai dar 18:00 (India-a Pathianni zing dar 07:30) hma deuh hleka thleng niin an sawi a, mipuite hnenah he thil thleng ‘hria, video lo la fuh leh hmutu an awm chuan’ an hnena hrilh thuai turin an ngen.
Police thupuangtu, Heather Brent-i chuan thil thleng chu tun dinhmunah chuan ‘hriat chian mai theih loh’ a nih thu a sawi a, “Chhui lai mek a ni a, kan hriat chin hi a la tam lo hle a. Tuna kan hriat china a lan danah chuan tum sa renga miin pawi a khawihna a ang a, chhuituten kil hrang hrang atangin hriat dan awm theite an dap khawm mek zel a ni,” a ti.
Stockton Mayor Christina Fugazi-i chuan inkahna thleng hi ‘pawmzam chi loh’ a nih thu a sawi a. “Chhungkuate chu damdawi in tin loh hmun dangah chuan thil an tikhawm thei a, an hmangaihte nen an awmho thei a, an dam khaw chhuahna turin an tawngtaiho thei bawk,” tiin chhungkuaa hun hmang beih an ni chu a dem thu a sawi.
California hi US-ah chuan silai kawl leh neih khuahkhirh nasat berna state zinga mi a ni a, he dan hi tun hnaiah duh lova hlip tura nawrna erawh a nasa hle.
Kum 2021 khan federal judge chuan an state sorkarin AR-15 rifle ang chi assault rifle khap a tum chu a lo hnawlsak tawh.
A hnu kum lehah US Supreme Court pawhin New York-a silai neih theihna dan khuahkhiarh a tumna a lo hnawl leh tawh bawk a. He state hi California ang bawka silai khuahkhirh nasatna hmun a ni.