Naupang tanpui ngai bik
tanpuina pek dan inhrilh
District Child Protection Unit, Women & Child Development department, Kolasib District buatsaihin Thawhlehni khan Kolasib ah naupang enkawl ngai sponsorship & foster care chungchanga hriat tur inhrilh a ni.
District child development officer David Zaitinvawra’n sponsorship & foster care a sawifiah a. He tanpuina sum hi naupang, a bika enkawlna mamawhte hnena tanpuina niin, kum khat chhung atan thlatin Rs. 4000 a pek tur a ni. Tun tumah hian naupang 110 hnenah bank account kaltlangin pek an ni dawn a, sawrkar sum sanction milin tun tumah hian April 2024 atanga September 2024, thla 6 chhung atan naupang pakhat zelah Rs. 24000 pek an ni dawn a ni.
Hmanpuitu district bawrhsap Robert C Lalhmangaiha chuan naupang enkawltu mumal neilo leh baihvai zawkte enkawla ngaihventute chungah lawmthu a sawi a. An sum dawn chu naupangin zirna tha zawk, hriselna tha zawk leh eitur hrisel zawk an hmuh theihna atan sawrkar ruahman a ni tih a sawi.
“Nu leh pa inthenna avangte, pa ber boral avang leh thildang avanga harsa taka nu in fa an enkawl ngai tam tak kan awm mek a. Chutiang karah chuan sawrkarin nakin lawka kan ram rohlu ni tur naupangte enkawlin theihtawp a chhuah a ni,” a ti.
He tanpuina sum hian enkawltu mumal nei lo naupang bakah HIV kai naupang, rualbanlo naupang leh POCSO victim naupang a huam a ni.
Naupang tanpui ngai bik tanpuina pek dan inhrilh
Get real time updates directly on you device, subscribe now.