Naupangte tana social media hman khapna dan ngaihtuah mek

Karnataka sorkar chuan naupang kum 16 hnuai lam tana social media leh mobile phone hman khapna a an ngaihtuah mek thu an state chief minister in a sawi.
Chief minister Siddaramaiah chuan an ram dinhmun leh khawvel hmun hrang hrang thlirin he khapna hi kalpui ngei tur a ni em tih an ngaihtuah mek tih a sawi a, mi thiam zawkte ngaihdan an lak mek thu a sawi bawk. February thla tir lam khan Andhra Pradesh pawhin school-ah mobile phone khap an tum thu an lo saiw tawh bawk a ni.
Karnataka CM chuan academician te chu kum tling lote zinga mobile phone emaw social media hman khap chungchanga an ngaihdan sawi turin a ngen a, control-na a awm loh chuan naupang leh zirlaite nungchang leh rilru thlengin nghawng tha lo a nei thei thuai dawn niin a sawi.
An state chhunga vice chancellor engemawzatin chief minister rawtna leh ngaihdan siam tura a ngenna an thlawp laiin, thenkhat erawh chuan thil theih loh leh harsatna siamtu mai mai a nih an rin thu an sawi ve thung a, private school tam tak phei chuan mobile phone hmangin an zirlaite homework bakah, tih tur hrang hrang an pe a, information pek nan ber an hman bawk avangin harsatna a awm an rin thu an sawi ve thung.