Nausen fingin record siam

Nandigama, Andhra Pradesh-a nausen thla 4 mi, Kaivalya chu a thluak a tha khawp mai a, thil chi hrang hrang 120 a hre hrang thei a, Noble Book of World Records-ah a hming a chuang ta.
Kaivalya nu, Hema, chuan an naute talent chu a video Noble World Records-ah thawnin, anni hian uluk taka an lo endik hnuah thil a chhinchhiah thei hle tih an hre chhuak a, ‘Khawvela nausen thla 4 mi thil chi hrang hrang 100 aia tam chhinchiah thei hmasa ber,’ record a siam ta a ni.
Video-ah chuan Kaivalya hian pangpar chi hrang hrang 12, thlai chi hrang hrang 27, theirah chi hrang hrang 27, ramsa chi hrang hrang 27 leh sava chi hrang hrang 27 a hre hrang vek a ni.