Nausen thi taksa atangin taksa peng dang la

Ni 19.10.2023 (Nilaini) zing dar 7:28 khan Surat, Gujarat-a doctor te chuan nausen piang hlim thi tawh taksa atangin a Kal (Kidneys) pahnih, Mit rang (Corneas), Thin (Liver) leh La (Spleen) te him dam takin an la chhuak thei a ni. Kal (Kidneys) an lak chhuah te hi Ahmedabad-a nausen thla riat mi hnen ah an pe anga, thin (liver) hi New Delhi-a nausen thla sawm mi hnen ah an nun chhan nan an pe ve thung dawn a ni.
He thil hi nausen thi tawh atanga taksa peng lak vawi khatna niin midang hnena hlan chhawn (Transplant) hlawhtlin leh hlawhtlin loh chu rei lo teah a la hriat mai tur thu Doctor-te chuan an sawi a ni.
Nausen piang hlim thi ta hi October 13 khan Valak Patiya, Surat-ah a lo pianga. Vanduai thlak takin a pian hlim atangin a che lo hrim hrim nghalin tah (Cry) pawh a tah loh avangin ngun taka ngaihsak a ngai nghal a, naupang hospital-ah hruai nghal niin ventilator hmanga thawk tir leh enkawl nghal a ni.
A thih thu hriat zui nghal niin, “Vawi tamtak ka fapa nun chhan turin doctor ten bei mahse a thluak a thih thu an sawi a. Kei leh ka nupui chu kan fapa thi tawh taksa peng thenkhat te chu midang te nun chhan nana pe phal tura min ngen angin kan hma lawka Diwali kan hman tur pualin hlan kan remti a”, tiin naupang thi pa lunghlu chher thin chuan a sawi a ni.
He nausen taksa peng midang tana hlan chhawn hi doctor te leh volunteers te ngenna avang a nih rualin nausen thi ta Pi (Grandmother)-in a chhungte hnena a lo sawi hmasak tawh vang a nih ber thu an sawi bawk.