NBA play-0ff finals chu June 7, Zirtawp zing khan khelh tan a ni a. NBA-a vawi 17 zet champion tawh Boston Celtics chuan an khingpui Dallas Mavericks chu point 107-89 in an hneh a. tha takin bul an tan. Celtics hi Mavericks hneha an champion thei a nih chuan NBA-ah vawi 18 champion thei hmasa ber an ni ang.
Final game khatnaah Celtics in bul an tan tha viau a, quarter khatnaah point 17 zetin an chungnung nghal. Bul an tan that em vangin inrintawkna sang zawk nen an inlan chhunzawm a, an khel tha zui viau. Quarter khatnaah point 17-a an chungnun hnuin quarter hnihnaah point liin an chungnung zui leh a, point 21 zeta hmahruai chungin chawlhlawk an hmang.
NBA Finals an khelh vawi khatnaah Dallas Mavericks in bul tan chhe viau mah se chawlhlawk hnu lamah an insiamtha a, an mualpho lutuk tur an khuh mawi. Point 21 zeta an hnufual hnu hian quarter thumnaah point 24 thawkchhuak in, point khatin an chungnung thei hram a, hei an chungnunna hian inrintawkna leh phurna thar a pe.
Quarter thumnaah an chungnun hnuin quarter linaah an khel tha leh hret a, point hnihin an chungnung zui leh a, point thumin an inkar tizim thei mah se point 18 in an khingpui Boston Celtics an umphak zo ta chuang lo va, final game hmasa berah tlawm zawkah an tang ta a ni.
Dallas Mavericks lakah hnehna an chan tum hian Boston Celtics tan Jaylen Brown a khel tha viau a, point 27 a thawkchhuak. Celtics tana point thawkchhuak hnem ber Brown-a’n point 27 chauh thawkchhuak mah se Mavericks lakah an chetha tlang a, player panga ngawtin point 10 chin chunglam an thawkchhuak. Hliam vanga game 10 ngawt inlan thei lo Kristaps Porzingis pawh Celtics tan a kir ve leh ta a, Mavericks lakah mit la takin a inlan. Mavericks tana point thawkchhuak hnem ber Luka Doncic chuan point 30 a thawkchhuak a, ball sawhlet vawi 10 lai a dawng tling bawk. Final hi game 7 khelh tura ruahman a ni.
NBA Finals – Celtics an chak nghal
Get real time updates directly on you device, subscribe now.
Prev Post
Next Post