NCERT hi constitution beihna: Jairam Ramesh

NCERT textbook revision chungchanga inhnialna kal mekah Congress leader Jairam Ramesh chuan NCERT chu kum 2014 atang khan RSS affiliate anga awm tawhin Constitution beihna a ni tiin a sawi.
Ramesh chuan National Testing Agency chuan NEET 2024 a ‘grace marks’ pek mualphona chungchangah a dem tiin a sawi bawk a. Chu chu NTA ten an hlawhchhamnaah rilru lakpen nana an chetlakna a ni a ti bawk.
“Thudik chu NCERT hi professional institution a ni tawh lo. Kum 2014 atang khan RSS affiliate angin a awm tawh a. Class XI political science textbook a revised-ah idea of secularism sawiselin leh political party te policy te a sawisel a ni” a ti a. “NCERT tihtur chu textbook siam a ni a, political pamphlets leh propaganda siam a ni lo” tiin Congress leader chuan a sawi bawk.
“NCERT hian he ram Constitution hi a bei a ni, he ram constitution hian secularism chu Indian republic foundational pillar-ah a dah. Supreme Court judgement hrang hrangah pawh secularism chu Constitution basic structure-ah a dah a ni,” tiin a sawi bawk.
Ramesh chuan NCERT chuan ‘Nagpur or Narendra Council for Educational Research and Training’ ni lovin National Council for Educational Research and Training an nih an hriat nawn a ngai a ti bawk a.
“Tuna an textbook tin te hi school a min chhertu textbook te lakah chuan a quality a rinngam tawh lo nasa a ni” tiin Congress general secretary chuan a sawi bawk.
TMC leader Saket Gokhale pawhin NCERT chu nataka sawiselin “Zah nachang hre lo NDA 1.0 Government” hian zirlaite lakah ‘inconvenient facts’ te a thukru a ti bawk a.
“Hetiang logic nen hi chuan eng vangin nge naupangte hnenah tharumthawhna pawi tak World War te kan zirtir theih ang” tiin a sawi bawk a. “BJP leh Modi hian criminal leh rioters history an neih hi an zahpui em ni? Eng vangin nge zirlaite lakah thudik thukruk an tum?” tiin a sawi bawk.
School curriculum saffronisation kalpui tuma puhnaah NCERT director chuan Gujarat riot leh babri masjid chhutchhiat chungchang school textbook a ziah dan her danglam chu buaina leh tharumthawhna zirtir chuan ‘tharumthawh chakna khau leh tuiah a thlen thei’ tiin a sawi a ni.
National Council of Educational Research and Training (NCERT) director Dinesh Prasad Saklani chaun textbook kum tina ennawn chu tih thin dan a ni a, buai philina tur a awm lo a ti bawk a.
Saklani chuan, “Eng vangin nge school textbook-ah riot chungchang kan zirtir ang? Tharumthawh leh hnual mihring ni lo positive citizen chher kan tum a ni” a ti a.
“Zirlaite mi pawisawi tur leh society a huatna tuh turin kan zirtir dawn em ni? Chu chu zirnain a tum a ni em ni? Naupang te ah riot chungchangte kan zirtir dawn em ni?” a ti bawk a.
“An puitlin hunah an la zir thei a, chumi hma chuan school textbook a lo zirtir chu eng nge a ngaihna? An puitlin hunah eng nge thleng eng vanga thleng nge hrethiam zawk rawh se,” tiin a sawi.