NE-ah a rukin Congress boruak lian ti

Congress te chuan Northeast danglamna chu BJP tena hrut rual vek tuma hma an laknaah ‘tih chhiata’ a awm hlauhna avangin Congress party langsar si lova thlawpna turu tak a awm mek an ti.
Congress general secretary (communications) Jairam Ramesh chuan Northeast pumah ‘Article 370 nuaibo duh tena Article 371 leh special provisions te an nuai bo mai hlauhna’ a awm tiin a sawi a.
Ramesh, tun hnaiah northeastern state te Nagaland, Assam leh Mizoram te campaign a fangtu chuan Congress duhna leh thlawpna ‘strong undercurrent’ a awm mek a, a chhan chu Lok Sabha inthlan chu assembly inthlan nena a inan loh em vang a ni a ti.
“Kumin Lok Sabha inthlanah hian kan Constitution a Northeast tana special provision – 371-A Nagaland, 371-B Assam, 371-C Manipur, 371-F Sikkim, 371-G Mizoram, 371-H Arunachal Pradesh te humhim chungchang a lian hle a ni. BJP sorkar Article 370 nuaibo tawh tu te chuan Article 371 leh pseical provision te an nuai bo duh mai hlauhna a lian a ni” tiin Ramesh chuan AICC headquarter a press briefing a neihnaah a sawi.
“Chuvangin, Northeast-a issue pawimawh ber chu religious diversity, linguistic diversity, food diversity te humhim a ni a, northeast-a issue pawimawh em em chu eitur chungchang a ni a, zalen taka mahni duh eia in an duh” tiin a sawi bawk a.
“Duh duh ei theih, duh dana inthuam, mahni duh sakhua zalen taka biak, zalenna bul\hut te dinhmun derthawngah a awm mek a, chu chu Northeast a issue pawimawh ber a ni” tiin a sawi.
Ramesh chuan BJP tena Northeast a strategy an neih chu regional party te hmanga inzarpharh a ni a, mahse chu chu Lok Sabha poll-ah chuan awmzia a nei dawn lo a ti bawk a.
“Assam chief minister Himanata Biswa Sarma leh a minister pasarih te chu Jorhat-ah \huin kan candidate te chak loh theih nan hma an la a, mahse, chakna kan chang dawn a ni. Mipuite chuan Gaurav Gogoi chu Parliament-a Northeast tana auchhuak thei berah an ngai a, chuvangin Jorhat in a thlang tling ang,” tiin a sawi bawk.
Northeastern state pumah danglam bikna a neih te hloh thei dinhmunah dinga inngaihna awmin northeast region chu tihchhiata BJP ten hrutrual vek an tum ang tih hlauhna nasa tak a awm mek tiin Ramesh chuan a sawi bawk a.
“Northeast mite kan chah duh chu BJP te chuan uniformity an kalpui dawn a, Congress-te chuan unity in diversity kan tichak thung ang” tiin a sawi bawk.
Ramesh chuan Prime Minister Narendra Modi chu buainain a tuam Manipur a tlawh duh miah loh avangin a dem thu sawiin Manipur tlawh tur hian huaisenna a nei lo emaw ni a ti bawk.