NE Olympic Games thlirna

Tarlan tawh angin, March ni 18, Thawhtanni zan khan 3rd North East Olympic Games 2024 chu Regional Centre for Sporting Excellence, Sovima, Chumoukedima District, Nagaland-ah hawn a ni a, a ni hnihna, Nilainia Mizoram result thenkhat kan han chhawpchhuak e.
Table Tennis : Mipa team kutah gold
Mizoramin final-ah Assam 3-1-in an hneh. Mizoram team hi Jeho Himnakulhpuingheta (Lunglei Chanmari), Alberto LR Ruata (Mission Veng), Lalruatfela (Kolasib) leh Thangsiansanga (Nursery)-te an ni a, coach Lalngainatawma (Tuikhuahtlang) leh C. Lalrinzuala (Mission Vengthlang)-te’n an ho a ni.

Badminton – Mipa team gold
Mizoramin final-ah a thlengtu Nagaland chu 3-1-in an hneh.
Mizoram team hi Roger Lalthlamuana (coach) leh Vanlalrinawma (manager)-te’n an kaihruai a; gold medal latute hi Saitluangpuia Sailo, C. Lalramsanga, Joseph VL Ringngheta, C. Lalramzauva, Joseph Lalhruaitluanga, Lalrinawma leh Laldintluanga Tlaute an ni.

Wushu : Gold-1, Silver-1; Bronze-2
Mizoram tan Nazreth Lalthazuala’n (56 kg) gold a la a; hmeichhe inelnaah Lalmuanzuali’n (52 kg) silver a lak bakah Vanlalremruata (52 kg) leh C. John Denise (70 kg)-ten bronze medal an hlawhchhuak bawk.

Football : Semi-final an lut
Assam laka 3-2 hnehna chang lehin, sili faia Manipur an lo sawp tawhna nen
Mizoramin semi-final an lut.
Assam lakah hian Mizoram tan Vanlalthanga’n goal hnih a khung hnuah Malsawmfela’n chakna goal a khung.

Basketball : Semi-final an lut
Mizoram mipa team-in Meghalaya chu 88-39-in an hneh a, Assam 75-63-a hneh tawh bawkin semi-final an lut a, an match hnuhnung berah Tripura an hmachhawn leh ang.
Hmeichhe team-in 69-39-in Assam an hneh lo a, semi-final lut turin Meghalaya an hneh ngei a tul tawh ang.

Athletics
Mizoram mipa leh hmeichhiate 4x100m Relay-ah palina ve ve an ni a, medal la pha lo mah se Aizawla an training-na aiin an tlan tha zawk. 10,000m intlansiakah Malsawmtluanga chu pasarihna a ni bawk. Thenzawl tlangval Sawma hian 10,000m chu minute 37 leh second 24.47 chhungin a thleng.

Mipa 4x100m Relay – 44.64 secs (4-na)
1. VL Hmachhuana (Ramhlun South)
2. Letjakai Lenthang (Republic Veng)
3. Nicholas VL Hmangaiha (Seling)
4. VL Remruatpuia (Sialhawk)

Hmeichhia 4x100m – 54.86 secs (4-na)
1. Esther Zonunsangi (Siaha)
2. Vanlaltleipuii Chhangte (East Lungdar)
3. Rualchhingi Ralte (Zonuam)
4. Elisian Medai (Lunglei – Serkawn)

Tennis – Mizoram an chak
Mizoramin ni khatnaah Meghalaya chu 3-0-in an hneh a, Assam lakah 2-0 hnehna an chang zui leh. Lalrinpuia leh Basil L Khumate’n an khingpui an hneh ve ve.
Mens Singles-ah Lalrinpuia leh Huidrom Becker (Meghalaya)-te an inhmachhawn leh ang.
Mens Doubles-a Basil Khuma leh Lalrinpuiate tangkawpin Assam aiawh Sheikh leh Thapa an hmachhawn result tarlan hman a ni lo.

Archery
Bamboo (Indian round)-ah Isaak Lalchuailova, Laldampuia leh K. Lalrosangate an la inkap tling.
Vanlalhruaizela a tla a, recurve-ah Ramdinpuii a tla bawk.

Volleyball : Group stage
Mizoramin Tripura lakah straight set (3-0) hnehna an chang tawh a, Meghalaya an hmachhawn zui leh.

Boxing-ah boxer 13-in semi lut
MIZBA-in NE Olympic Games hmachhawn turin boxer 17 a tir a, boxer 13 (mipa 8, hmeichhia 5)-in semi-final an lut.
Semifinal lutte hi mipa-ah K. Vanlalhriatchhunga (48-51 kg), Abednago VL Dinpuia (51-54 kg), Frankie H. Vanlalruatpuia (54-57 kg), Lallawmawma (57-60 kg), Lalkhawngaiha (60-63 kg), Malsawmkima (67-70 kg), C. Lalduhawma (70-75 kg) leh Malsawmtluanga (75-80 kg)-te an ni.
Hmeichhe lamah Naom Chingsannuam (52-54 kg), Vanlalrinngheti (54-57 kg), TC Lalremruati (57-60 kg), Rudy Lalhmingmuani (60-63 kg) leh Abisak Vanlalmawii (63-66 kg)-te’n semi-final an lut ve bawk.