Government of India chuan Supreme Court hnenah NEET-UG 2024 a candidate 1,563 te hnena compensatory mark pek te chu cancel sak an nih thu hrilhin June 23 ah re-test an nei ang a ti.
Vacation Bench of Justice Vikram Nath leh Sandeep Mehta te chu Centre chuan hrilhin heng candidate te hi grace mark tel lova an mark hmuhzat hriattir vek an nih tawh thu an sawi bawk a.
He thubuai hi candidate 1,563 te hnena exam hun chhung 3.2 hours full period an exam centre-a an neih veloh avanga ‘normalisation formula’ hmanga grace mark pek khinna a ni a.
Heng compensatory mark te hi NEET huaihawttu National testing Agency (NTA) ten committee an dinin rawtna a siam anga pek an ni.
Mahse grace mark pek bik hian exam dang te rilru a tidam lo nasa a, chuvangin NTA chuan committee thar din lehin June 10 atanga 12 chhung khan zirchiangin thutlukna an siam leh ta a ni.
Union aiawha ding advocate Kanu Agrawal chuan committee chuan zirlai 1563 te tana hun an hloh avanga compensatory mark pek chuan dinhmun duhawm lo a thlen zawk tih a hria a ni a ti a. Chuvang chuan grace mark pek chu hnuhdawh niin mi 1563 te hian an exam tha leh ang a ti bawk a.
“Exam that leh duh lo te chuan an mark hmuhsa zat grace mark tel lo chu an ring zui ang” tiin court thupek chuan a sawi bawk a. “Exam nawn leh thlangtute chuan an exam that lehna mark chu ringin May 5 a an exam tawhna chu hnawl a ni thung ang” a ti bawk.
Bench chuan grace mark pek chungchang chu thutawp siam nghalin mahse paper leaks etc a puhna la awm erawh Supreme Court chuan National Testing Agency chu kar hnih chhunga sawifiahna siam turin a ti nghal bawk.
NEET-UG 2024 result la buai zui zel
Get real time updates directly on you device, subscribe now.
Prev Post
Next Post