Newcastle-ah Barnes

Champions League khel tur Newcastle United chuan an squad thuamchak hna an thawk chho zel a. An player thar pathumna ni turin Leicester City winger Harvey Barnes chu £38m sengin an la lut.
Newcastle hian Barnes hi kum nga daih contract an ziahpui. Barnes chuan team lian zawk a zawm thei chu lawmawm a tih thu a sawi a. Hlawhtlinna chang tura a theih tawp chhuah a tum thu a sawi. Newcastle hian nipui bazar inhawng mekah forward Yankuba Min-teh leh Italian international midfielder Sandro Tonali an lo la lut tawh a, Barnes hi an lak luh pathumna a ni.
Barnes hian Leicester City tan EPL-ah vawi 146 a khel a, goal 35 a thun tawh bakah assist vawi 25 a nei tawh bawk. Season liam ta khan Fo-xes tan hian goal 13 lai a la thun tling tho a ni.