‘Ng’ awmna sawn rawt

‘Ng’ awmna sawn rawt
Mizo Language Development Board chuan Mizo alphabet-a ‘Ng’ awmna sawn an rawt a, a zir bul tanna tur chu Anganwadi Centre a ni dawn.
Mizo Language Development Board (MLDB) chairman R Lallianzuala sawi danin, ‘A Aw B Ch…’ a Ng awmna chu computer-ah Microsoft Excel ang chi ah te a hmu/dah dik thei loa, siamthat chawp a ngai thin tih sawiin, hemi tih rehna atan hian G leh H inkara awm Ng hi N leh O inkarah awm se, he buaina hi a ziaawm thei tih a sawi.
Hei hi MLDB chuan a rel tawh a, A Aw B hi Anganwadi Centre-a zir a nih ber tawh avangin a changtu department Social Welfare, Women & Child Development hnenah an thlen a; zirlaibu siamtu hi SCERT an nih avangin an ni hnenah pawh an thlen leh tawh bawk tih a sawi a ni.