Ngopa hnenah National Award

Ngopa hnenah National Award
Ngopa khua chuan National Panchayat Award a dawng dawn a, India ram pumah pahnihna a ni.
Sawrkar laipui Ministry of Panchayati Raj-in a tihchhuah danin, local self government department-in panchayat tha neihna tura hmalakna tur chi 9 a duan, Nanaji Deshmukh Sarvottam Panchayat Satat Vikar Puraskar category bikah Ngopa khua hi a titha pahnihna a ni a. Karnataka-a Mullusoge chu pakhat a ni.
He award hian sumfai a kengtel a, pakhatna in cheng vaibelchhe 1.5 an dawng anga, pahnihna in vaibelchhe 1.25 dawngin, pathumna in vaibelchhe khat an dawng dawn a ni.
Saitual district-a awm Ngopa khua hian Mizoram sawrkar UD&PA department-in khawpui fai intihsiak a buatsaih kum 2022 chhunga khawpui fai inelnaah category-III, khawpui lian zual deuhte zingah fai ber nihna a lo dawng tawh bawk a ni.