NH 306&06 thawmthat mek sawiho
Kolasib district tantlang National Highway 306 & 06 a kawngpui thawmthat hna kal mekah district bawrhsap Robert C Lalhmangaiha chuan National Highways and Infrastructure Development Corporation Limited (NHIDCL) hotute leh Mizoram Tipper Association Kolasib District a thukhawm pui a. National highway thawmthat hna tha leh chak taka thawh a nih theihnan hmalak dan tur rel a ni.
NHIDCL hnuaia NH 306 & 06 siamthat hna thawktu Balaji Construction Company chu fur khuain hna a tih thuanawp hma ngeia zo ngei turin bawrhsap hian a hrilh bakah, hmanrua pawh a tha leh tlo hmanga kawngpui tha leh daihrei siam turin a chah.
NHIDCL general manager BK Srivastava chuan NH 306 & 06 thawmthat hna kal meka hmalakna a sawi a. Mizoram Tipper Association Kolasib District chuan national highway a that loh avanga lirthei neitute harsatna tawh an sawi bawk. Lirthei chetsualna leh chhiatna tam tak pawh kawngpui tha lo hian a thlen thin tih sawiin, kawngpui tha tak neih a nih theihnan ngenna an siam a ni.
NH 306 & 06 hi kumin March 31 khan black topping zawh niin, Balaji Company-in a thawk zo tawh a. Chutihlaiin tun dinhmunah heng kawng siam zawh tawh hi a chhe lai a awm leh tawh. Kawngpui siam hi defect liability period-in a huam avangin Balaji Company hian a thawmthat hna a thawk leh mek a ni.
Thutkhawmah hian Mizoram PWD chu kawngpui chhiat chhan zirchiang turin ngen nise tih a ni.
NH 306&06 thawmthat mek sawiho
Get real time updates directly on you device, subscribe now.