Italian Serie A thuneitute chuan referee Daniele Chiffi chung-chang mawi lo taka sawitu AS Roma manager Jose Mourinho hremna an tichhuak a. Manager luhlul Mourinho hian season thara ni hmasa ni 10 chhungin a team te a kaihruai thei dawn lo.
U-Power Stadium-ah Monza leh Roma te an inhmachhawn tumin Roma hi an chak zo lova, hemi tum hian Mourinho hi referee Daniele Chiffi chu na takin a sawisel a. Minute ruk chauh a awm tawh laia Mehmet Zeki Celik hnawkchhuaktu hi “Referee ka hmuh tawh zawng zawnga referee chhe ber” ti hiain Mourinho hian a sawi zui.
He a tawngkam uchuak vang hian Mou-rinho hian hrem a tuar ngei dawn a. 50,000 euros (£43,000) chawitir a nih bakah ni 10 chhung team kaihruai thei lo turin hrem a ni tel bawk.
Season liam ta kha Jose Mourinho tan season tha a ni hran lo. Vawi thum ngawt hnawh-chhuah a tawk a, Europa League final-ah Sevilla laka an tlawm bakah Roma hi Serie A-ah parukna an ni pha tawk bawk.
Manager luhlul, tawngkam leh chezia hmanga pawisawi hrat ve tak a nih vangin Mourinho hian hrem a lo tawk zauh zauh tawh thin. A mize dangdai tak vangin amah tantuten an lawm em em a. Amah ei lotu tan erawh a ngeiawm viau thin thung.
Ni 10 hrem tuar tur Jose Mourinho
Get real time updates directly on you device, subscribe now.
Prev Post
Next Post