Ni 14 chhunga hming thlak ngei ngei tur

Mi lirthei hlui leiin ni 14 chhungin document-ah mahni hminga thlak ngei ngei tur a ni tih Transport department hotute chuan an sawi.
DTO Aizawl chuan lirthei hlui leia ni 14 chhunga hming thlak ngei ngei tur a nih thu a sawi bakah sawrkarin document fel lo chungchanga late fee a ngaihdam hun chu kumin December 31 thleng a ni tih lirthei neitute a hriattir nawn a. 2023 October 4-a Transport department hriattirna tihchhuah angin, driving license smart card ni lo chu pawm a nih tawh loh thu a sawi bawk.
Mipui phurtu lirthei (public transport vehicle) a lungawilohna engemaw nei chuan DTO office-ah ziakin thlen theih reng a ni tih a sawi a ni.
Hetihlai hian kartina DTO Aizawl hnuaia Enforcement staff-ten Motor Vehicle Act bawhchhia an man an chhinchhiah danin, October kar hnih ralta chhung khan lirthei 162 an man a, an sum chawi tlingkhawm chu Rs. 582000 a ni. Heng sum hi a vaiin sawrkar sumbawmah chhunluh a ni.