Ni tin mamawh thil vang telh telh

Kawng chhiain mipui a nghawng mek a, Mizoramah ni tin mamawh thil hrang hrang a harsa telh telh. Mahse, lirthei an tlan tan a nih chuan he harsatna hi zia turah chuan ngaih a ni.
Kawng siam hna a tluan theih nan August ni 2 atang khan Kawnpui leh Khamrang inkarah lirthei an tlan lo a, hei hi lirthei hmanga eizawngte leh sorkar remtih tlan dan niin, August ni 9 thleng din an tum. Amaherawhchu, Mizoram sorkarin ni 7 zan dar 6 atangin lirthei hi tlantir tum a nih thu Ningani khan thuchhuah siamin a puang a, chuti a nih chuan ni tin mamawh thilte pawh phurh thlen a ni thei ang.
Kawng a chhiat avangin chawlhkar thum vel chu bawnghnute a thleng mumal lo tawh a, he harsatna hi titi a tling mek.
Tuialhthei leh ni tin mamawh thilte hi kar hmasa Inrinni hnuah khan a thleng tawh lo tluk a ni a, tlang kawngah tam tham lova phurh luh a awm zeuh zeuh tih chauh a ni.
“Kar hmasa lama thleng kha kan la ring tihna tluk a ni a, a lut leh a awm thuai loh chuan oil hi a vang leh viau thei,” tiin filling station neitu pakhat chuan a ti.
Dawrkaite’n kawng hrang hrangin harsatna an tawk a, eichawp thil zuarte chauh ni lovin thawmhnaw zuarte pawhin an tuar. Thawmhnaw a thleng tha lo a, thawmhnaw zuarte zingah a hlawma hralhna tur hmu, mahse hralh tur nei lote an awm tih thu dawn a ni.
Lirthei enkawltu pawl hruaitu, kawng chhia chungchanga biakpawhte chuan kawng siam mekah hmasawnna a awm tih an sawi a, mahse lirtheiin han rap se, a daih rei ang em tih chu an rilrua awm a nih thu an sawi.
Kawnpui thlang lamah bungraw phur lirthei engemaw zat an ding a, anni an tlan a nih chuan ni tin mamawh thila harsatna pawh ziaawm tura ngaih a ni.