NIA-in Pahalgam beitu mikhualtute la kawl chhunzawm dawn

NIA-in Pahalgam beitu mikhualtute la kawl chhunzawm dawn
Jammu-a special court chuan April thlaa Pahalgam-a firfiak chetna thlenga a titute lo thlengtu nia an hriat mi pahnih chu National Investigation Agency (NIA)-in ni 10 dang an kawl chhunzawm leh a phalsak.
Parvaiz Ahmad Jothar leh Bashir Ahmad Jothar te hi a hmain ni 10 chhung kawl phalsak an nih angin an lo kawl tawh a, hei hi tawpin Thawhtanni khan Special NIA Court-ah hruai leh niin NIA hian an chhui mekah thu hriat belh duh dang an la neih avangin kawl chhunzawm an dil a, phalsak an ni tih thuneituten an sawi.
Mi pahnihte hi June 22-a man kha niin a tukah Jammu-a tual chhung court-ah hruai nghal an ni a. Court hian ni nga kawl a lo phalsak a, hei pawh hi liamin 10 kawl phalsak leh an ni a, tunah ni 10 dang an kawl zui leh dawn a ni.
NIA chuan thu an zawh fiah tawhna atanga an hriat danin Pahalgam-a che zinga pathum chu tute nge an nih an sawi a, an vai hian Pakistani niin dan pawna awm mek, Lashkar-e-Taiba (LeT) mi an ni tih an sawi.
Sorkar laipui hnuaia thil chhuitu pawl hian Parvaiz-a leh Bashir-a hian heng mi firfiakte hi Hill Park, Pahalgam-a chen theih hun lai bik awm (seasonal dhok)-ah awmtirin April 22 khan an che chhuak a, mi 26 thatin mi dang 16 an hliam bawk tih an sawi.
An pahnih hian an mikhual mi firfiakte hi ei tur, awmna tur an pek bakah kalna tur kawngte an hrilh . An chet chhuah ni chawhnuah khan khualzinte tlawh thin hmuna lo awmte chu an sakhua zawt hmasain an kap hlum ta a, tun hnaia Jammu-a mi firfiakte chetnaah chuan a la rapthlak ber a tling niin NIA chuan a sawi a. Kashmir-a thil thleng hi an la chhui zui zel tih an sawi bawk.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More