Nigeria Bank Governor talbuai mek

Nigeria a central bank chief thiltithei em em thin chu dan kalha shotgun leh silaimu a kawl nual avangin thubuai rip tak siamsak niin hei mai bakah hian Nigeria politics leh finance a a lailum luahtu hun rei tak a nih bawk avangin a dinhmun tlachhia chuan titi a siam nasa hle.
Godwin Emefiele chu Thawhleh khan kar ruk kaltaa Nigeria a hlauhrawn secret police Department of State Services (DSS) tena an man hnuah court-ah a inlan a.
Emefiele hi tunah Cental Bank of Nigeria (CBN) governor ni mek niin amah puhna te pha vekin bail a chhuahin a awm mek a. Mahse, economic crime lam thubuai erawh engmah a nei lo thung.
Amah bail fel a nih hmaa lung ina dah luh leh tuma prison official tena banker hi lak ngawt an tumna lamah secret police officer te nena intihbuaina a chhuah phah hial thung a.
DSS te chuan kum 61-a upa bank boss hlui hi hmun him lamah an saseng zui thei thung a. Emefiele hi Nigeria president kumin May thlaa thlan thar Bola Tinubu an Emefiele kaihhruaia Nigerian currency Naira hmelhmang siamthat an tum hlawhcham a sawisel hnu rei lo teah man a ni a.
He Nigeria currency redesign tumna hi kumin February thlaa presidential election inbeih tawktarhnaa Tinubu an chakna a chan zuinaa vote lei nana hman tumna vang tia sawi a ni a. Tinunu hi lagos billionaire niin inthlanah a chak zui ta zawk a ni.
Emefiele hi a hma chuan Nigeria a thiltithei ber pawl niin Nigeria fiance thununtu niin Nigeria chu Africa a economy lian ber a ni bawk a. Court a kalnaah pawh a kut veilamin a Bible sen chu kengin a kut lehlamah kaihina awm thung.
Emefiele hian man a tawk hma thlaah pawh a tlabuai dawn tih a chiang rengsa thung a, a chhan ber pawh inthlan hmaa Nigeria currency redesign a tumna chu president atana thlan tlin tak billionaire Tinubu tena amah hneha a awm theih nana hmalakna anga an ngaih vang a ni.
Amah an puhna ber single-barren silai leh a mu 123 man erawh chuti taka thubuai ripa ngaih a ni lo thung a. Nigeria ah chuan local vigilantes leh hunters te chuan heng silaite hi license pawh nei lem lova an neih em um niin chung silai an kawl avanga man emaw thubuai siamsak an awm ngai lo thung.
Emefiele hian legal battle a neihnaah thlawptu a nei chhe hle tura ngaih a ni a. A chhan ber pawh President hlui Muhammadu Buhari kum riat rorel lai Nigeria in econmic lam harsatna namen lo a tawh lai, inflation pawhin kum 18 chhunga a san ber lai a tawh lai leh currency devaluation nasa a, unemployment nasat laia a hotu lu ber a nih vang a ni.
Chutih rual chuan thlawptu a ngah em em tho va, presidential candidate nih tir an tumnaah pawh 100 million naira chuang an thawhkhawm thei hial bawk thung.
Mahse, Emefiele chuan nomination titura an nawrna chu a hnial fithla thung a ni.
Nigeria chhim lam Delta state a Agbor chhuak niin Emefiele erawh Lagos piang leh seilian niin banking leh fianance chu Enugu a University of Finance zirchhuak a ni.
A graduate hnuah University og Nigeria leh University of Port Harcourt ah te finance leh insurance zirtir in hun a hman hnuah banking lamah lutin kum 18 tehmeuh thawk zuiin Nigeria’s Zenith Bank CEO pawh a ni ph ahial a.
Kum 2014 khan khatih lai president Goodluck Jonathan chuan central bank governor ah dahin kum 2019 khan Buharichuan a dah nawn leh sak bawk a.
|um hnih lai Naira in a hlutna a tlakhniam vak hnuah Emefiele chuan tihawm ang lo tak hmangin pawisa hlutna tlahniam a chhanhim thung.
A tum khatna chu kum 2015 khan niin Abuja a thingkung upa puipui te chu a hlawitir a, a hlawitirna chhan chu black market currency heng thingkung hlim hnuaia nasa taka an kalpui tihtawp nan a ni a, kum 2021 khan website lar tak nei tu chu foreign currency exchange tichhuak tawh lo turin a ti bawk.
A chet dana sawi hlawh ber mai chu kum 1999-a democracy a let leh hnua presidential election inbeihna nasa ber thlen dawna currency redesign a kalpui chu a ni.
Central bank chuan bank note te chu a lem siam a nih loh nan kum nga atanga kum riat danah thlak danglam a tul a ti a, an siam danglam hnuhnung ber chu kum 2014 kha a nih tawh avangin thlak danglam a hun tawh an ti bawk.
Mahse, hei hi Buhari leh governor Emefiele te chuan ‘moneybag politics’ an tih mai politicians tena inthlan ni atana hman tura sum tam tak a kum a kum an lo khawl khawm tawh thin te an hman khapna tur atana ruahmanna tia sawi a ni.
He currency redesign hi a hlawhchham tih theih niin Nigeria ram pumah harsatna nasa tak siamin bank pawnah mi tam tak zan khua khua riahchilha siamin harsatna ahtlen nasa hle a ni.
Inthlan result a chhuaka Tinubu an chakna a chan veleh Emefiele hma lam hun chu a thim zui a ni ta ber a.
Chutih laiin Tinubu chuan thutlukna sawisel hlawh tak tak siam thung nghalin Naira hlutna a tihniam a, fuel subsidy titawpin chu chuan thil mana ti sang a, cost-of living crisis a thlen mek thung.