Nigeria in nawrhnaa man kumtlinglote chhuah

Nigeria in nawrhnaa man kumtlinglote chhuah
Nigeria thuneitute chuan August thlaa sorkar dodalna kawngzawha an man naupang 30 chuangte chu an thubuai atanga thiam chantirin a chhuah zalen.
Nigeria hian sorkar dodalna kawngzawh neih a nih tuma an mante zingah hian naupang tam tak an tel thu sawiin, chung zinga kumtling lo an man 30 chu ram phatsan leh thubuai dang an awrhna lak ata an fihlim tak thu a sawi.
President Bola Tinubu chuan heng kumtling lo zingah hian kum 14 mite pawh an tel nia sawiin, an zinga pali phei chu court chhunga an chungthu ngaihtuah a nih laiin an tluk thu a sawi a, hei hi an ei leh in that loh vang a nih thu a sawi.
Police leh official-te chu mitangte an enkawl dan chungchangah chhuichian an nih tur thu president Tinubu hian sawi bawkin, inrahbehna nasa tak video viral atanga lo lang chu a hmuh ve thu sawiin, a tul anga thuneitute leh police te khawsak dan pawh chhuichian a nih tur thu a sawi a ni.