Kum a thar chauh a, excise force te’n nikuma an man zat aia tam ganja an man der tawh! Chu mai a ni lo, nikum hmasaa an man ai paw’n kumina an man hi a tam zawk!
Mizoram Excise & Narcotics (MEN) department-in kumin January-ah khan ganja hi kg 219.417 an man a, hei hi nikum kum tluana an man aiin a tam. 2022-ah khan kg 152.214 an man.
2021-ah khan kg 376.204 an man a, hei hi 2018 hnua an man tam ber kum a ni. 2019-ah kg 370.068 an man bawk.
Ganja hi tun hnai engemaw lai atang khan a hluar tha leh tiin MEN department hotute’n an sawi a, tleirawl leh kum lama la naupang deuhteah ganja zuk ching hi an pung nia a lan thu an sawi.
An sawi danin, khawvel mi lar zingah ganja leh a kaihhnawih zu thin an awm avangin, Mizo thalaite zingah lo entaw an awm thin.
Vanneihthlak takin kuminah ruihhlo hlauhawm opium an la man lo a, pseudo-ephedrine an la man lo bawk. Nitrazepam pawh an la man lo.
Ruihhlo vangin January thlaah khan dan bawhchhia mi 564 an man a, lirthei pasarih an man bawk.
-- Advertisement --
Ganja man zat
2024-ah 219.417
(Jan thleng)
2023-ah 179.233
2022-ah 152.214
2021-ah 376.204
2020-ah 127.449
2019-ah 370.068
2018-ah 187.568