NIT sakna atan forest clearance la fel thei lo

NIT sakna atan forest
clearance la fel thei lo
Lengpuia National Institute of Technology Mizoram sak turah tun thlengin forest clearance hmuh a la ni loa, Lok Sabha MP Richard Vanlalhmangaiha’n a bawhzui mek.
Ningani khan MP hian Union minister of state for Environment, Forest & Climate Change Kirti Vardhan Singh chu Parliament-a a office-ah a kawm a. NIT Mizoram-in forest clearance an hmuh theih loh avanga an hmunhma sak hna thawh theih ala ni lo tih a thlen. Mizoram sawrkarin tih tur tul zawng zawng a tihfel tawh thu hrilhin, central ministry-in a rang lama tihfelsak turin a ngen a. NIT chu Mizoram tana institution pawimawh tak, thangthar tan zirna in chhenfakawm tak a ni dawn tih a sawi a ni.
Union MoS hian a rang lama tihfel thuai a nih theihnan hma a lo laksak tur thu a lo hrilh a ni.