NITI Aayog huaihawt workshop-ah tel

NITI Aayog huaihawt workshop-ah tel
NITI Aayog hmalaknaa buatsaih National Workshop on ‘Sustaining Innovation: Embedding R&D in State Institutions’ Coimbatore-a neihah Rural Development & Administration minister Prof. Lalnilawma a tel.
Workshop hi NITI Aayog, State Support Mission, Tamil Nadu State Council for Science and Technology leh Amrita Vishwa Vidyapeetham Coimbatore tangho buatsaihin Amrita Vishwa Vidyapeetham-ah January 8 & 9 khan neih a ni.
Thupui hrang hrang sawiho a ni a. A ni hnihnaa technical session – ‘Linking Grassroots Innovation to State Policy’ sawihonaah minister Prof. Lalnilawma hian kaihruaiiin, hemi thupui bikah thuhma a sawi a, a tawpah a khaikhawm a ni.
Minister chuan, thuneitu sang zawkten a hnuai lam (grassroots) mamawh nia an ngaih angin thil tha tak tak siam chhuak thin mah se, grassroot level-a a hmang tangkai tur tak takte nena a tir atanga inrawn leh sawiho a awm thin loh avangin kan tangkaipui thin lo tih a sawi a. Hei vang hian a bikin grassroot level-a kan kalpui dawn a nih chuan, a tirte atanga a chhawr tangkai turte nen sawihoa, ruahmanna siam a ngai, tiin, “Hei hi sawrkar laipui leh state sawrkar-te pawhin kan theihnghilh tur a ni lo,” a ti.
Workshop-ah hian NITI Aayog vice chairman leh member-te bakah mithiam sawm bikte an tel a ni.