No Vehicle Zone-ah lirthei tlan/ dah phalna leh phal lohna hmun ruahman

No Vehicle Zone-ah lirthei tlan/ dah
phalna leh phal lohna hmun ruahman
Krismas leh kumthar vuakvetah Aizawla mipui bazar, kea kalte him zawknan December 23, 24, leh 31, 2024-ah “No Vehicle Day” hman tur a ni a. No Vehicle Zone atana senior SP Traffic Aizawl chuan lirthei tlan dan a ruahman.
Chanmari leh Zodin Square inkarah chawhma dar 10.00 atanga tlai dar 4.00 chhungin lirthei eng mah (thirsakawr leh nawrlirh huamin) tlan phal a ni lo. Hei hian emergency duty bakah natna avanga damdawi in pante erawh a huam lo.
Civil Hospital atanga lirthei chhuakte chu Civil Hospital Road atanga Bazar Bungkawn lama tlan thla in, Saron Veng lama kal tur a ni.
No Vehicle Zone-in a huam china taxi stand-te chu AR Mandir ep parking area-ah sawn a ni.
Chanmari leh Zodin Square inkarah lirthei engmah No Vehicle Zone hun chhungin dah phal a ni lo.
No Vehicle Zone huamchhungah hian chhim leh hmar inkalpawhna kawngpui (main road) khar a nih dawn avangin a helna tura ruahman kawngpui dungah traffic jam avanga harsatna a thlen lohnan bungrua leh lirthei engmah dah phal a ni lo.
No Vehicle Zone hela lirthei tlan dan tur chu – A. Lirthei hmar lam panten Zodin Square an pel thei lo anga, tlak lamah Temple Square atangin Vaivakawn lama kalin Chanmari West lama chhoh emaw Company Peng lama chhukthlain emaw hmar lam pan theih a ni. Chhuah lamah Sikulpuikawn atanga Ramhlun road via Republic Veng- College Veng – Bethlehem Veng – Chhinga Veng – Electric Veng lama kal theih a ni.
Treasury Square atangin Electric Veng via Republic Veng – College Veng – Bethlehem Veng – Chhinga Veng lamah a kal theih a. Tuithiang peng, Chhinga venga Sapdengi in bul atangin chho zawngin tlan phal a ni lo.
Lirthei chhim lam panten Chanmari Bus Stand leh Hrangbana College an pel thei lo anga, Chanmari kawn atangin Lower Chanmari, Lower Zarkawt lamah kal phal a ni lo. Lirthei kal theih dan chu – Chanmari Presbyterian biak in atanga Vaivakawn Road via Kawipui, Chanmari West; Bawngkawn atanga ITI Veng Road via Ramhlun, Electric Veng adt.
Lirthei reng reng Bazar Bungkawnah chhuah chhoh phal a ni loa, Modern High School bulah kual thlain Saron Veng/ Chhinga Veng lamah an let ang.
Dropping leh pick up tur ringawta lirthei luh leh chhuah thei dan ruahman a ni a. Hmar lamah Chanmari Presbyterian biak in helin hmar lamah an kual let anga, chhimlamah Zodin Square atangin Canteen kualah, AR Mandir helin chhim lamah kual let tur a ni.
Parking area siam a ni a. Hmar lamah two wheeler tan Govt. Mizo HSS, Commerce department gate bulah; Govt. Mizo HSS multi level parking hnuai ber; Hrangbana College leh Higher & Technical Education office inkarah; Chanmari Baptist biak in atanga KFC dawr thlengin kopang lamah; chhim lamah two wheeler tan parking ruahman a ni.
DC office peng atanga SP Aizawl office peng inkar; Dak Inpui leh Supply department office kawt; two wheeler leh LMV tan parking ruahman a ni a. Aizawl South Treasury office kawt; Planning office kawt, Aijal Park kawt kawngpui dungah dah theih a ni bawk.
Lirthei eng chi mah dah phal lohna a awm a. Temple Square to Vaivakawn road, Vaivakawn Hunthar peng to Company peng leh Vaivakawn atanga Chanmari Traffic Point via Chanmari West, Bawngkawn to Sikulpuikawn via Ramhlun North – Ramhlun South -Aizawl Venglai – Electric – Chhinga Veng – Saron Veng – Tuithiang Veng – Bethlehem Veng – College Veng – Republic Veng – Upper Republic/Treasury Square. Armed Veng to Chhinga Veng Road; Sapdengi in bul thleng, Ramthar Sihpui to Chhinga Veng via Electric Veng.
Lirthei tlan leh dah phal lohnaah hian chhiatrupna thil – kangmei leh emergency pawimawh bika duty, dan leh thupek pawimawh bika police leh magistrate duty-te chetvelna erawh a huam lo a ni.