Nobel peace Prize dawng tur Narges Mohammadi

Iranian activist Narges Mohammadi chu Royal Swedish Acedmy te buatsaih khawvel chwimawina ngaihhlut ber 2023 Nobel Peace Prize chu Iran-a hmeichhiate rahbehna a beihna leh human rights leh zalenna chawisanna kawnga a hnathawh avangin pek tura thlan a ni.
“2023 peace laureate Narges Mohammadi hi hmeichhia a ni a, human rights advocate niin freedom fighter a ni bawk. Kumin Nobel Peace Prize hian theocratic regime te policy inthliarhranna hmeichhiate laka kalpui dodaltu za tam tak te chu a hriatpui a ni” tiin Academy chuan a sawi.
Nikum khan Nobel Peace Prize chu Belarusian human rights advocate Ales Bialiatski, Russian human rights organisation Memorial, Ukrainian human rights organisation centre for Civil Liberties te hnenah pek a ni a.
Kumina Nobel Peace Prize dawngtu Mohammadhi hi Iran lung ina tang mek a ni a. Iranian sorkar chuan tum 13 an man tawh a, tum nga thiamloh chantirin kum 31 lung in tang tur leh tum 154 vuak turin a hrem mek a ni.
Mohammadi hian khawvela khua leh tui te tihlum hnem ber Iran a death penalty chu a dodal a, college zirlai a nih lai atang tawhin women’s rights humhalh duhtu a ni bawk.
Mohammadi hi kum 2011 khan man hmasak ber niin a hnu tum hnihah bail a chhuah a ni a. Death penalty duh lova hma la zui reng niin kum 2015 khan man a ni zui leh ta a ni.
Iran sorkarin nghaisakna systematic taka kala political prisoner te laka sexual violence thleng thin chu nasa takin a dodal zui bawk a.
Iran-ah hian Kurdish hmeichhia Mahsa Jina Amini chu a lu tuama a hmaia khuh loh avangin Iranian morality police tena mana an kawl laia thih avangin Iran chuan anti-government protest lian ber a lo hmachhawn phah tawh a. Lungawilo mankhawm tam tak te chu Tehran-a Evin prison rapthlak taka an sawiah dahkhawm niin chutah chuan Mohammadi pawh a tang mek a ni.
Lung in atang pawhin lungawilohna lantirtute a thlawp thu a sawi reng bawk a. Chu chu duh lovin thuneitute chuan dan khauh zawk an duan phah zui a. Pawn lam atanga biak leh amah tlawh khapsak a ni zui bawk a. Mahe, tichung chuan article engtin tin emaw pechhuak thei hlauhin Mahsa Jina Amini thah chamah chiah New York Times ah tihchhuah a ni zui a, chutah chuan lung ina hmeichhiate dinhmun rpathlak tak chu a pholang zui a ni.
Mohammadi hi engineer leh physcicist ni bawkin kum 2018 khan Andrei Sakharov Prize chu human rights dinchantir nana scientists a nih anga a thawh that avanga hlanin a lo awm tawh bawk a. Iranian Nobel peaxe Prize laureate Shirin Ebadi, Defendersof Human Rights Center dintu nena inhnimhnai tak ni bawkin he pawl vice president ni mek a ni bawk.
Kumin Nobel Prize dawng tur hi October 2 khan puan tan niin Physiology or Medicine Nobel chu Katalin Kariko leh Drew Weissman te hnenah Covid-19 enkawlna mRNA vaccine siamna lama an thawhhlawk avanga pek an ni a.
Royal Swedish Academy od Scineces chuan October 3 khan NObel Prize in Physics chu Pierre Agostini, Ferenc Krausz leh Anne L’HUllier te nenah electro dynamics zirna lama atosecond plus generate dan hmuhchhuah lama an thawhhlawk avangin dawng turin a lo thlang tawh bawk a.
Nobel prize in Chemistry chu scientists pathum – Moungi G. Bawendi, Louis E. Brus leh Alexei I. Ekimov te hnenah quantum dots an hmuhchhuah avangin dawng turina thleng bawk.
Nobel dawng tur tarchhuahna hi October 9 ah tawp dawnin chutah chuan Sveriges Riksbank Prize in Economic Sciences in Memory of Alfred, Economics scinece Nobel tia hriatlar dawngtu tur puan a ni ang a.
Prize tin hian cash award 10 million Swedish kronor (nearly $900,000) keng telin December 10 ah hlanna neih a ni thung ang a. Heng sum te hi he lawmman dintu Swedish investor Alfred Nobel kum 1895 daih tawha thi ro atanga sem a ni.