North East team-ah Mizo player pahnih

BCCI hnuaia zone paruk te inelna zing ami Senior Women’s Inter Zonal One Day Trophy 2025 – 2026 chu March ni 5-15, 2026 chhung hian BCCI CoE, Bengaluru a neih tur a ni a. North East Zone Team a tel turin Mizo player pahnih; Lalrinfeli Pautu (Feli Pautu), Hnahthial leh Vanlalremtluangi (Mapuii), Zemabawk te thlan an ni.
Player 15 telna North East Zone Team te hian tournament ?an hmain Dimapur, Nagaland ah camp an nei phawt dawn a, karleh Thawh?anni hi in report hun niin, February ni 24 (Thawhlehni) ah camp hi ?an tur a ni ang a. March ni 2 ah inkhelhna hmun tur Bengaluru an pan zui leh ang.
BCCI hnuaiah hian Zone paruk – Central, South, North, East, West, and North-East te a awm meka, heng te hian mipa inelna leh hmeichhe inelna hmangin tournament an hmachhawn thin a ni.
North East Zone team-ah Mizo player pahnih thlan an nih rual hian Coaching Staff-ah Pu Simon C Lalramchhana, Zarkawt chu Performance Analyst atana thlanchhuah a ni bawk.
Cricket Association of Mizoram (CAM) chuan Mizorama atanga tel tur player leh coaching staff te hi a chhuangin ?ha taka an chanvo te hlenchhuak turin duhsakna a hlan.