North Korea in ramri khar an sawi ri

North Korea sorkar chuan South lam nena an inrinna inkalpawhna kawngpui zawng zawngte chu khar an hnial lo niin an sawi.
North Korea hian inkalpawhna kawngpui zawng zawng a tul a nih chuan kan khar thut thei reng tia sawiin, hei hi indo a chhuah thut pawha an ram him nana ti an nih thu an sawi.
Pyongyang chuan tunhnai khan an thuchhuah tharah South Korea nena lirthei leh rel hmanga an inkalpawhna zawng zawng an khar thut theih reng thu sawiin, hei hi indo a chhuah palh thut pawha an lo inven lawk theihna hmasa a nih thu a sawi a ni.
North leh South Korea ram hi tunhnaiah an inhmusakhi nasa zual hle a, North lam hruaitu lu Kim-a phei chuan an ram danpui siamthat leh ramri chungchang pawh siamthat a tum hnai nia sawi niin, South lam hian US atanga ralthuam lam thlenga puihna an dawn nasat avangin indo a thlen thut palh a an ram himna tur nia a hriat vang nia sawi a ni bawk.
Indo thlenga sawi rik a awm tak hnu hian North lam hruaitu Kim-a chuan an missile tha zawng zawng pawh hman a hreh dawn loh thu sawichhuakin, South lam chu an dan siam bawhchhe hmasatu zel a nih thu a sawi a, indo tura an inbuatsaihna a that thu a sawichhuak bawk a ni.