North Korea-in South Korea tibuai

North Korea-in trash balloon campaign, missile kahchhuah leh GPS ‘spoofing’ a kalpui te chuan South Korean airspace him lo takin a siam tiin aviation expert te chuan an sawi a, airline operation a tibuai nasa tiin an sawi.
May thla tawp lam atang khan North Korea chuan South Korea lamah balloon hnawmhnawka khat chu a sang tel a chhuah thin a, heng bawlhhlawh zingah hian mihring ek te pawh a tel thin a, North Korea in psychological warfare a kalpuina anga ngaih a ni.
May 29 leh June 27 chhung khan South Korea-ah balloon za tel tehmeuh thawnlutin hei vang hian Incheon airport phei chu darkar thum chhung kharin a awm hial a ni.
Balloon kahchhuah a nih hnuah aviation navigation North Korea atanga tihbuai pawh a nasa zuala chu ‘spoofing’ chuan South commercial aircraft te a tibuai hle a ni.
“Airspace safety a tlahniam tial tial” tiin OPSGROUP, flight risk information share thin membership-based organisation te chuan an sawi a. “South Korea atangin official a airspace warning a awm lo chungin thil dinhmunin chhiat zual lam a pan zel” tiin an tarlang bawk.
South Korea Transport Ministry chuan an miliatry, air traffic control authority leh airlines te chuan surveillance leh communication 24-hour in an kalpui thu an sawi thung a.
“South Korean military te chuan heng balloon te hi surveillance assets te hmangin chhun leh zanah a hmuchhuak zel a ni” tiin South Korea sipai thupuangtu chuan a sawi a.
North Korea hian kum 2016 daih tawh khan thrash balloon te chu North Korean defector leh South a activists teana propaganda campaign an kalpui chhanletna tiin a lo kalpui tawh a ni.
North Korea balloon tihchhuah hian khawvrela international airport lun ber pangana North atanga 40 km vel leka hlaa awm Incheon airport chu tum tam tak a tibuai tawh a ni.
“Balloon te avang hian thlawhna thlawk in harsatna an nei zing hle” tiin Yun Chan Hwang, Korean Air Lines a network operation general manager chuan a sawi.
Balloon vanga buaina mai ni lovin Global Positioning System (GPS), navigation atana satellite network receiver te tihbuai a nasa bawk a. Heng GPS system signal pechhuak thin te hi tibuaiin chu chuan harsatna namenlo a siam thei thin a ni.
“GPS system tihbuai hian airplane pilot te chu an hriatmiah lovin North Korean airspace ah a awm tir thei a ni” tiin Kari Bingen, Washington-based Centre for Strategic and International Studies a aerospace security project director chuan a sawi a.
“May 29 leh June 2 inkar chhung khan thlawhna 500 chuang leh lawng tam tak ten GPS lamah harsatna an tawk a ni” tiin South Korea sorkar chuan a sawi bawk a. UN aviation body ICAO ah an zualko zui bawk.
“North Korea in South tihbuaia nana GPS tihbuai hi thil thar a ni lo va, mahse, spoofing erawh thil thar a ni” tiin SkAI, Swiss company te live disruption map kalpuitute chuan an sawi.
“SkAI te chuan May 29 leh June 2 inkar khan thlawhna thahnem takah spoofing a hmu” tiin co-founder Benoit Figuet chuan a sawi a. “Airplane spoofing te hi altitude hniam taka thlawk te an ni a, leia ding te pahwin spoofing an tawk tho” tiin Benoit chuan a sawi bawk.
North Korea chuan nikum khan an phalna la lova an airspace lutte chu an kahthlak mai tur thu an lo puang tawh bawk a.
North Korean airspace chu airlines tam berin an lut duh lo va. US Federal Aviation Administration chuan North Korea vansanga thlawh hrim hrim a lo khap tawh bawk.