North Macedonia nightclub kangah mi 11 man

North Macedonia nightclub kangah mi 11 man
North Macedonia-a zan lama intihhlimna hmun, nightclub-a kangmei chhuak, mi mi 59 thihna chhuinaah mi 11 man an ni tawh tih thuneituten an sawi.
Kangmei hi an khawpui, Skopje atanga khawchhak lam km 100 vela hla, Kocani khuaa Pulse club-a Pathianni zing dar 02:30 (India-a zing dar 07:00) vela chhuak a ni a. Chhiatna thlen lai hian an rama hip-hop duo lar tak, DNK-in concert an neih lai niin mi 500 vel an awm khawm lai a ni.
Band member pakhat zawk dam chhuakin damdawi inah enkawl mek a ni tih public prosecutor pisa chuan a puang a, an vaiin mi 155 velin hliam an tuar.
Interior Minister Pance Toskovski chuan an mi hrente hi kangmei chhuahnaah hian a tir atangin rinhlelh thil leh ei rukna a awm em tih chhuina tur a nih thu a sawi a, thu zawh fiah an ni zel ang tih a sawi.
Toskovski-a hian club-ah hian chhuahna pakhat chauh a awm a, a hnung lama pakhat awm chu kalh niin a hman theih loh tih a sawi a. Pathiannia a tlawhnaah rikrumah a him lo tak zet tih hmuh nual a ni tih a sawi.
Prime Minister Hristijan Mickoski chuan ‘thalai’ tam tak an thi chu an ram tan ‘hun khirh leh lungchhiatthlak’ a nih thu a sawi.
Toskovski-a chuan kangmei hi pyrotechnic device tekin in chung zar (ceiling) kang duh tak a fuh atanga tan nia an hriat thu a sawi.
Video darhah chuan band hi dawhsana an zai laiin mei pahnih a inkhawh chhuak a, a tek a, ceiling fuhin a darh nghal ta vak a ni.
Video dangah ceiling kang chu thelh an tum phawt a. Club-ah hian an khat vek a, mi thenkhat chuan ceiling a kan hnuah hian chhuah aiin thelh tumte an la en hlawm tih a lang.
Kum 20 mi, Marija Taseva-i chuan chhuah dawnah mi an innawr a. An nek tlu a, an chil hrep hnuah a chhuak thei hram tih a sawi.
A chhungte nen a laizawnnu, kum 25 an la zawn thu leh tual chhung damdawi inah an hmu zo lo va, Skopje-ah enkawl tura lak zinga a tel an beisei tih a sawi.
Tual chhung chanchinbute chuan ni sarih chhung sun an nih tur thu a puang a, nightclub leh thingpui dawrte chu mi tam tak pungkhawm dawl zo an ni em tih an enfiah nghal dawn bawk niin an tar lang.
Kocani-a hospital director chuan thawktute chu an damlo dawnte tute nge an nih hriat tumin an buai nasa a, ID card a awm mumal lo niin a sawi.
Tuna an hriat theih chinah chuan thi an hriat chiante hi kum 14 leh 24 inkar nia an hriat thu a sawi.
Hliam tuar zinga 18 chu an dinhmun a tha vak lo bawk.