Norway princess fapa pawngsual thubuai vangin man

Norway princess fapa pawngsual thubuai vangin man
Norway police te chuan Norway princess ni mek Mette-Marit fapa kum 27 mi chu pawngsual thubuai vanga man a nih thu an sawi.
Police te thuchhuaha a lan danin lal fapa Haakon-a nupui princess Mette-Marit-i fa bik Marius Borg Hoiby hi thawhlehni tlai khan man a ni a, a chungchang ngaihtuah mek a nih thu an sawi a ni.
Police te chuan puhna a awm avangin man a nih thu hi an sawi a, a lo dik lo thei a, hriatsual palh pawh a ni thei, tia sawiin, an chhui chian mek thu an sawi bawk.
An sawi danin Borg Hoiby hi August 4 khan Oslo-a hmeichhe pakhat apartment-ah man a ni a, hemi thu kal zel chhuinaah hian thu zawhfiah tura man a ni ta a ni. Police te chuan puh a nih thu chauh sawiin, thuchiang erawh a hriat theih thuai an rin thu an sawi.