Nungcha chilhlum hreh vanga nunna chan chawimawina hlan

Nungcha chilhhlum hreh vanga nunna chan ta, Lalrinchhana (37) s/o H Lalnunsanga, Kawrthah Mamit district chu Mizoram district hrang hranga honorary wildlife warden-te chuan Zirtawpni khan amah ralna leh chawimawina thuziak an hlan.
Kawrthah khua Darchhûng Motor Workshop neitu H Lalnunsanga fapa Lalrinchhana hi Rengdil khuaah lirthei chhe siam tur a awm avangin, kumin April 5 khan an koa, chawhnu dar 1.00 velah Kawrthah atanga chhuakin an mahni car-in, a nau pakhat nen Rengdil an pan a, Ramrikawn/Perngo kawnah kawngtha leh ngil laia an tlan laiin an hmaa sanghar kawng kâna tlan chu chil a hlauh vangin a hel a, a helna lamah tuiluankawrah tla lutin a motor ke pawh a chhe nghal a, an chetsual phah a ni. Kawrthah damdawi in panpui a ni a,a chetsual ni chahwnu dar 3.30 ah a thi a ni.
Nungcha tihhlum duh loh vanga nunna hial a chan chu Mizoram hmun hrang hranga district honorary wildlife warden-te chuan pawi an tiin amah chawimawina thuziak leh ralna sum chu Mamit district honorary wildlife warden Lalmuankima Khiangte chuan Kawrthah khuaa an chenna inah Zirtawpni khan a hlan a, Kawrthah DFO staff leh YMA Branch hruaituten an tawiawm a ni.