Nupa hlim tur thisen test atangin hriat theih

Nupa hlim tur thisen test atangin hriat theih
Mithiam ten zirchianna an neih tharah love hormone an tih mai oxytocin kan thisena a awm dan azirin kan inkawp rei dan tur a hriat theih niin an sawi a, inngaihzawn tirh-a kan thisen-a oxytocin tan dan a zirin inkawp rei tur leh rei lo tur a chhut lawk theih, an ti mauh mai.
Zirchianna neitute chuan thalai 163 thisen-a oxytocin level an test a, chung mi 163 zinga 120 te chu ngaihzawng nei thar an ni. Ngaihzawng thar neiah chuan ngaihzawng nei lo emaw inngaizawng rei tawh te aiin an oxytocin level hi a sang zawk zel. Tichuan heng mi te hi thlaruk hnua an endik leh chuan an zinga 36 chu an lo la inngaizawng a, chung thla ruk hnua la inngaizawng te chu an tira an oxytocin level an teh laiin a level sang ber ber te an ni a. Zirchianna neitu te chuan in ngaihzawng tan tirh lam thla khat vel chhunga oxytocin level chu a hnu zela inkawp rei dan tur hriat theih nan a hman theih niin an ngai ta a ni.
Hetiang hi a dik tak tak a nih chuan counsellor aiin doctor ten hmangaihna lamah pawh thurawn min pe thei zawk dawn tihna a ni ang a. In inngaihzawn tan tirhah in thisen han test dun nghal ula, nakina inthen leh tur tho tho chu tiin tunah in inthen nghal ang a, hun tam tak in-save tihna a lo ni ang!
Mahse, thisen test atanga inngaihzawn rei dan tur hi lo teh tak tak theih ni a a ngaih loh thu sawiin, clinical psychologist leh psychotherapist Varkha Chulani chuan, “He zirchianna hian mi an inngaihzawn a, an induh vanglai chuan an thisenah oxytocin level a sang tih a hmuchhuak a. Mahse, an inhmangaihnain a daih rei tur zawng chu lo teh ngawt theih a ni lovang. Hetiang a nih chuan romance aiah blood test kan buaipui ang a, kan mihrinna a bo ang,” a ti.
Clinical psychologist Seema Hingorrany chuan, “He zirchianna hi a bengvarthlak hle a, eng emaw chenah dikna pawh a nei ang. Mahse, inngaihzawnna leh nupa nun hi hormone-ah ringawt a innghat lo tih erawh kan hriat tel a tha ang,” a