Nupa innei rei record siam

Nupa innei rei record siam
Golden jubilee lawm thei te chu innei rei tak an ni a, kan lawmpui mup mup thin, Diamond jubilee lawm thei chu an tlem pharh tawh. Mahse, Brazilian nupa, Manoel Angelim Dino leh Maria de Sousa Dino te chu kum 85 an innei tawh a, Guinness World Records-in mihring damlai zinga nupa innei rei berah a puang.
Manoel Angelim Dino, kum 105, leh Maria de Sousa Dino, kum 101, te hi 1936 khan an chhungte huana hna an thawhna atanga inhmelhriatin, 1940 khan Boa Ventura, Ceara, Brazil-ah an innei a, fa 13 neiin, tu 55, leh tuchhuan 54 neiin, khupthum hmu kan tih angin tu 12 an nei tawh bawk.
Damlai chauh ni lo, mitthi te pawh chhiar tel chuan nupa innei rei ber anga GWR-in a chhinchhiah chu David Jacob Hiller (1789-1899) leh Sarah Davy Hiller (1792-1898) te niin, kum 88 leh ni 349 an innei.